Related Articles
Paletwa Peng Ah Arakan Army ( AA ) Nih Datsi Tank 70 Leng An Laak: Chin ramkulh, Paletwa peng ThaHpiaTaunh(သံဖျာတောင့်) khua pawng ah seh tilawng in datsi phormi cu, AA nih June 11 ah an tlaih, tiah tualchung mi sin in theih a si.
ThaHpiaTaunh khua cu Rakhine peng Kyauktaw khua in Chin ramkulh Paletwa khua kar ah a ummi a si. Ti lawng cu Kyauktaw in Paletwa lei a kai lio ah atu bantuk in AA nih an tlaih hi a si. Datsi a ngeitu hi Rakhine rammi a si, tiah theih a si. Atu lioah Paletwa khua datsi man hi 1 litter ah 5000 tiang a phan. Thilman a kai tuk caah datsi cawknak tangka zong a har tuk, tiah tualchung mi sin in theih a si.
Thawngpang Dang Relchih: Kachin Baptist Church Rianṭuantu Pastor Pakhat Cycle Ah Rithaisii Tlaih A Si! Shan ram thlanglei Namkham(နမ့်ခမ်း) khua luhnak ah Kachin Baptist Church ah pastor rianṭuantu U Bran Nu nih a khalhmi cycle ah a luancia June 5 ahkhan rithaisii an hmuh caah tlaih a tong tiah theih a si.
Pastor Bran Nu telh in minung 3 cu cycle 2 he Musae in an kirlei Kungsa(ကုန်းဆာ) khua ah tlaih an tong, tiah tualchung mi pakhat nih The 74 Media ah a chim. Tualchung mi pakhat nih cun, “U Bran Nu cu biaknak lei rianṭuantu a si ko nain kumkhat ca ah dinh caan a laak lio a si tiah kan theih, nupi ṭhitnak ah phaisa ka kawl ta lai, tiah dinh caan a laak lio ah atu bantuk in tlaih a ton hi a si,” tiah a chim.
U Bran Nu cu cuhlan zong ah cycle khalh in phaisa hawlnak le pawcawmnak a kawlhawlmi a rak si caah, midang thil a phorhnak ah tlaih a ton zong a si kho, tiah tualchung um mi mino pakhat nih a chim. Tlaih a tongmi hna cu minung 3 an si i, U Bran Nu kum 28, Daw Mon Thang kum 42 le Magam kum 28 hna an si. Atu hi Namkham palik sakhan ah an khumh hna, tiah theih a si.
Shan ram thlanglei Namkham(နမ့်ခမ်း) ralzaam sakhan pawng ah dawr bantuk in sakmi rithaisii zuarnak hmun cu a luancia 2021 June thla ahkhan SSPP/SSA nih meikhangh in an rak hrawh. Credit: The Chin Post
