Related Articles
NUG Ramdang Palai Le Sweden Ramdang Palai Tonnak An Ngei: National Unity Givernment(NUG) ramdang palai(Foreign Minister) Zin Mar Aung le Sweden ramdang palai Ann Linde cu nizan June 8 ah tonnak an ngei i, Myanmar ram Democracy kong an ceih, tiah NUG nih cathanh an chuah.
Tonbiaruahnak ah cun Myanmar ram Democracy kong ah ram hnih i bawm in rianṭuanṭi ding, Federal Democracy ram thar sernak caah Myanmar rammi nih zeizong vialte kaltaak in ralkap an dohnak, khat le khat zawnruahnak lungput he Myanmar rammi bawmhchanhnak kong le SAC ralkap nih rammi cung ah an sualnak kong hna an ceih, tiah theih a si. Democracy cu Myanmar rammi hna nih an aupi pengmi le an cohlan mi a sinak kong cu, Sweden ramdang palai Ann Linde nih a Twitter ah a ṭial.
Thawngdang Relchih: Ukraine Fund Ca Ah US Dollar 1.49 Billions Cu World Bank Nih A Fehter! Ukraine cozah le social worker hna thlahlawh peknak dingah US dollar 1.49 billions cu world bank executive board nih June 8 ah an fehter cang. World Bank nih Ukraine caah bawmhnak an pekmi dihlak cu US dollar 4 billions nak tam a si cang.
Britain, Natherlands, Lithuania le Latvia ram hna sinin financial security le funding caah tiin atu bantukin an pek ṭhan tiah world bank nih a langhter. Hi project hi Italian Multi Donor Trust Fund nih a pekmi bawmhnak hna he fonh chih in pekmi a si tiah an langhter chih. Russia nih luhhnawh in kahdohnak a tuah ruangah raltuknak faakpi a chuak i, chawlehthalnak ah sunghzatlaknak an ton lio ah cozah rianṭuannak cu pehzulh in rianhma a kal khawhnak ding ah thlakhat ah a tlawmbik US dollar 5 billions a herh tiah Ukraine nih a chim.
World Bank cu ngandamnaklei zohkhennak, fimcawnnak, zatlang rianṭuannak, mei le ti peknak, lampi sersiamnak lei ah ramdang in bawmhnak petu hna he i fonh in rian a ṭuan. Raltuknak ruangah temhtuartu hna nakin Ukraine ah a ummi hna nih eidin tirawl leiah fak tukin harsatnak an tonmi cu tawlrelpiak dingin bawmhnak pek an herh hringhran ko, tiah Eastern Europe, World Bank director Arup Banerji nih a chim.
G-7 phu chungin financial lei hruaitu hna nih fund thar caah tiin US dollar 9.5 billions cu bawmh ding in biakamnak zong an ngei cang i, raltuknak he aa pehtlai lomi bawmhnak an pekmi dihlak hi US dollar 20 billions a phan deng cang tiah theih a si. Credit: The Chin Post
