Ka Tupa Van Biak, Hliam Na Tuar Lio Caan i Ka Chanh Ulaw Tiah Na Au Leen Lio Ah Kal Lo Dingin A Thlohtu Hna CNA Ralbawi A Min Zong Kan Theih Cang Ee

A tu kan rak langhtermi hi CNA ka huat ruang le santlaihlonak kawl duh ah ka rak thlah chinmi a si lo ti kha a hmasabik ah rak ka theihpiak hram u. Nizaan tihni te ti ko usih cu ahcun kan naule pasalttha hna tam tuk an rak thi ti thawng kan theih le cangka kan lung a rak faak cio. A nunnak a liam mi hi CDF le CNA fonh in minung 10 an si rua dah. Kha chung ah a tu kan rak langhter hnawhchanmi Salai Van Biak hi aa tel ve. Cun a tu hi kan rak langhtermi hi a pu Pu No Hmung cattialmi a si i Salai Van Biak a ttianhawi CNA pasalttha hna cungah lungfahnak ngei sehlaw a lo.

Pu No Hmung cattialmi zong ahcun theihhngalh fian nan duh ahcun chawnh khawh ka si ti tiang in a ttial chih tikah khuaruah tam lo awk a ttha hrimhrim lo. A ttialning cu tihin a si “Ka Tu pa Van Biak, Ram le mi phun caah na nunnak na pekmi cu kan in u pat tuk a si na in mu na um ti lo hnu cun mu si fak le san tlai lo nu hmei ngak tah fa tham cu an ti rua na nun lio ah Nu pi tthit nak ding ah tiah thla li chung nai khawn mi na lah khah zong kha na tuan pi hawi CNA Bawi No nu nih a hlam cang ti thawng kan theih cu lung a fak tuk e nang mah na um lo hnu cu zei ti hmanh in an kan ti kho lai lo an ti rua Van Biak aw na lah khah tlawm te kha cu kan ui mi si lo na um lo hnu i hi ti an kan tuah mi hi kan lung fak tuk e hliam na tuar i kan chanh u law na ti i kal hlah u tiah a thlohtu hna CNA Ral Bawi pa zong kha a min zong tha ten an kan chimh dih cang e.

Na lahkhah hlam tu le bomh na hal hna i an bom duh lo tu zong tha ten kan theih ko hna e Van Biak kan i lung sak kho hrim lo e, tam ka tial ah cun ka thin hung chin leng mang i thil tha lo hna ka tuah sual lai, Hi kong fiang ten theih duh mi nih hal khawh ka si, Pu No Hmung” ti’n Pu No Hmung nih amah Facebook timeline bak ah a ttialning a si.  A ttialmi Screenshot zong tlamtling tein kan rak langhter chih ko khah. Tubantuk kan dothlennak hi lungrual tein le dinfelnak tehe kaar kan hlaan lo a si ahcun kanmah le kanmah kan i sukkhaknak tu a si sual lai.

About admin

Check Also

Mizoram Ah Kawlram Minung A Thattu Pa Pakhat An Tlaihkhawh Cang

Mizoram Ah Myanmar Mi Pakhat A Thattu An Tlaih Khawh: India, Mizoram ramkulh Aizawl ah …

Leave a Reply

Your email address will not be published. Required fields are marked *