Related Articles
2023 Ah NUG Nih Cozah Aderh Cang Lai Zei Bantuk Harnaknak Dah A Tawn Hmasat Lai: Tlangcung mi Hriamtlai lakah UWSA hi afit bik le fimzer bik an si. Ralkap thazang an ṭhawn bik lawng hi asilo. Panglong biakamnak ning ahcun, Zalonnak asikhawh lo ahcun Federal tihi Tlangcung miphun le kan hriamtlai kip nih Ramkhel cio mi asi. UWSA le AA ruangah Confederation timi Biafang hi achuak pah mi asi. Mi tampi lungthin a tawitam. Mifim pipi zong an I palh tawn. Wah Miphun cu Rallokap nih Chakhri tlaih mi Federal te cu 2008 phunghrampi ning in ahmuh cang mi an si. UWSA nih an duh mi Wah Federal State asi. Shan nih Shan Federal State ah Wah cu an chiah ve. NUG nih Federal State cu biakam mi kan si dih hna. Nain NUG thantar Arfi (14) nih State (7) le Division (7) aum lai ti kha a fian ter cang. Sates – 8 mumal NUG nih an fek ter lo hi UWSA ruangah asi khawh men.
NUG biakamnak Federal ah Shan cu aatel. Shan State in Pine hmuh a duh mi hna hi, Pao, Palong (TNLA), Kokang (MNDAA), Mai Laa, UWSA hna hi an si. Chinram ah State aduh mi hna cu: Chinland a duh lo tu ZRA / ZFU (Zoland) le MDF (Maraland) an si ve. UWSA nawl an I cawng. Cucaah Bochuk Yuasit, RCSS / SSA (Shan Hriamtlai nganbik mi) nih MAH lei a ṭanh law law nak hi asi men lai. NUG Federal hi Shan ram ahcun Harmegadon Ralpi a thawh ter tu asi lai tiah Vawlei mifim rual nih an ti cio. ZRA le MDF hi NUG nih State an pek sual hna ahcun Chinram zong ah Ralpi a thawh ṭhan te lai. MDF hi Dr. Sa Sa minung an si caah ahnu ah an pek te ko hna lai. ZRA le ZFU hi Ramkhel Chunmang aakhat mi an si. ZRA nih Rallokap he kawp in ZO State an hal lai. ZFU nih NUG he I kawp in ZO State an hal ve lai.
CDFs 20 leng cu NUG nih an bawmh bal hna lo. ZFU cu Dollar le Meithal he tampi an bawmh cang hna. Dr. Sa Sa nih Mara State a tuah piak hna lo ahcun Rallokap sin ah State hal an duh caah MDF nih MAH he an i kawp nak hi asi bik. Dr. Andrew zong cu aa tel ve lai cu mu. Tukum 2022 ah Rallokap cu ral an sungh bak lai tiah Ramchung ram leng mifim thiam hna nih Profet cio asi. 2022 kum dih ah SAC le MAH te an tlau cang lai caah Rallokap caah UWSA cu a puai mawh mi asi ti lailo. NUG zong nih 2022 kum chung ral tei awk in kan I timh ve cang. 2022 kum dong ah Nipidaw kan lak lai I, 2023 kum thawk in NUG nih Cozah a tlaih cang lai tiah Zumh cio mi le Profet cio mi cu asi. MAH nih Federal kan pek hna lai, nan duh mi vialte kan tuah piak hna lai ati caah, Hriamtlai thazang cak bik mi hna cu: Federal lawng aza ti lo, State le Ram dirh awk ah an hal cang. NUG cozah an hung si bakin Wah Pine kong hi alinsa bik mi asi te lai. NUG Hawikom ṭhabik KIA Luzik pa hi UWSA ram ah zung to mi asi. NUG Hawikom dang, TNLA, KNDF hi UWSA kuttang minung lawng te ansi hna.
Rallokap minung tiah Kan nih NLD fane le NUG Lawbi rual nih kan zai hnawh lengmang mi AA zong cu UWSA he aa ṭhen khawh lomi ansi. TNLA Hawikom ṭhabik SSPP le MNDAA zong UWSA he ṭhen khawh lo mi lawngte an si. Sangaing PDF le YDF sin Type 81 rifles tampi bawmhtu zong UWSA thotho asi. Sangaing PDF le YDF hi UWSA he ṭhen khawh lo mi an si ve. USA bawmhnak in 2022 kum ah MAH le Rallokap cihmih aa timh mi Kan NUG Cozah nih Tukum ah Ral an tei tak tak te lai. Cutikah UWSA nih State an hal tikah zeitindah an tuah lai timi hi problem le ral a chuah pi lai kan ti nak cu asi. 2023 kum ah Kawlram a uk cang ding mi Kan NUG le Kannih NLD vialte nih tuak lo awk a ṭha ti lo. UWSA nih State an hal mi cu NUG nih aduh lo ahcun, UWSA cu kan tuk ne lai maw? Ralhrang Ni Vung Chan ah Vanlawng, Helicopters, Jet Fighters, Miakpi, Launchers, bomb mangtara hna he tiah kum 20 chung an tuk nain an tei khawh lomi UWSA an si. Ni Vung nih Ralbawi anih anih ti vialte a hmang dih hna I an tuk ko nain an lak khawh lo mi UWSA an si. Masala timi Ralhrang Ni Vung Cozah nih an ukpen khawh lomi hi Wah Miphun lawng hi an si ko rua.
Tutan MAH he tuahmi PEACE lawng ah UWSA nih State an hal timi hi an pek ah siseh, an pek lo ah siseh, NUG kut ah phisin awk aum lan ding asi. MAH te Rallokap cu ral an sungh cang lai caah UWSA Pine he aa pehtlai ti lai lo. 2023 kum ha Cozah asi cang ding mi NUG liang cung ah aa khinh te ding khi asi. MAH le Rallokap cu can tawite ah kan thluk cikcek cang lai nain, Rallokap nih kum (20) chung an thluk khawh lomi UWSA cu hmakhat te le cantawi te ah NUG nih tuk in kan tei khawh hna lai lo. UWSA cu NUG nih kan tuk sual hna ahcun, UWSA limhang le thladem ah aa dawr mi KIA, TNLA, MNDAA, SSPP, AA, KNDF, PDFs – Sangiang, YDF btk hna le Cozah thar NUG karlak tuksapur ṭihnung thil atlung khawh mi asi. Cucaah UWSA le NUG A-pi-a-yu Compromise an tuah aherh men lai.
Cutin an tuah ahcun RCSS le Shan he ralthawh asi te lai. Chinram ah State ahal ding mi ZRA / ZFU le MDF he ral dohnak a um ṭhan khawh ve. NUG nih Ralhrang Rallokap an thluk I, an cihimh in, Cozah dirh cu Kan caah Vancungram pahnih nak asi. Kan NLD caah cun kan tum Vanram ti khawh asi nain, an kan zulh ding mi tuksapur thihlohnak, buaibai nak, ralthawh ding mi vialte, Shan ram aa ṭhen cheuh dih lai le Chinram State 2-3 aachuah lai ruah in tuak tikah lunglawmh nak ngeihchiat nak aacawh mi TEINAK asi te lai. Ṭahlak ah nihchuak dirhhmun kan phan / phak te lai.
Note: NLD le NUG asi ko mi Keimah kha midang ah nan ka puh sual lengmang caah kan NLD kong kan hrawm hna tu ni cu. Kah bantuk midang he tahchun kha ngawl cang usih. Keicu Non-Party Politic in a kal mi ka si. NLD si buin CHINISM le Amyotha Nainganzi a kalpi tu nusal pakhat ka si ve. Keimah bang NLD le Amay Suu ah thihngam mi Kan Lai Upa pahnih ka tar chih hna. Credit: Zingtincuai Cinzah
