Related Articles
Kahdohnak Ni 100 Chung Ah Kan Ram Cheunga Cheukhat Russia Nih A Laak Cang – Zelenskyy: Russia ralkap nih Ukraine ramchung ṭhennga chung ah thenkhat cu an laak khawh cang, tiah Ukraine President Zelenskyy nih a chim. Ukraine nih nitlaklei ram sin in hriamnam bawmhnak a hmuh cuahmah lio ah Russia nih Ukraine nichuahlei hna cu control ding in biatak tein kahdohnak a tuah caah kaphnih kahdohnak cu ni 100 a hung tling cang.
Ukraine ramchung 20%, 125,000 Square Kilometers tluk cu Russia nih an laak cang, tiah Ukraine President nih a chim. Russia nih an laakmi hmunhma hi Belgium, Netherlands le Luxembourg ram hna fonhmi nak hmanh in a kau deuh tiah a chim chap. Ukraine ralkap hna lehrulnak le kahnak in Russia ralkap 30,000 leng an thi i, Ukraine mizapi 10,000 leng thah an tong, tiah President Zelenskyy nih cun a chim.
Ukraine ralkap hna cu nichuahlei le nitlaklei ah Russia ral doh ding in biatakte thazaang chuah in an i timhtuah i, kan ram kan kilven khawhnak ding ah, ramdang sinin bawmhnak tam deuh kan herh tiah a chim. Germany nih Ukraine cu air defense force hriamnam hna cu kan bawmh lai tiin biakamnak a tuah cang bantukin US zong nih Advanced Long-Range Missiles hna cu kan pek lai tiah bia a kamh ve.
Covid Raikhamsii Aa Chunh Lomi Khualtlawng Hna Cu Quanrantine An Si Ti Lai Lo! – S. Korea PM: Covid rai a karh tuk caah S. Korea nih khualtlawngmi hna caah zulhphung tete a tuah nain atu thla ni 8 cun a dorh deoh cang lai. June 8 thok in covid raikhamsii aa chunh lomi ramdang in a rak lutmi khualtlawng hna cu quanrantine kan chia ti hna lai lo tiah South Korea Prime Minister nih June 3 ah a chim. Asinain cozah nih a tuah awk a si bantukin ramchung an rak luh in sml 72 chung cu PCR in zawtnak an ngeih le ngeih lo kan zoh lai tiah a chim.
Covid raikhamsii aa chunh rih lomi ramdang khualtlawng mi hna cu ni 7 chung anmah dang tein kharkhumh ding a si, nain zeiti si hmanh ah June 8 thok cun kan tuah ti lai lo, tiah Prime Minister Han Duck-soo nih covid zawtnak dohnak kong he pehtlai in tonbiaruahnak an ngeihnak ah a chim.
Vanlawng zong cozah nih phungphai a tuahmi ruangah ticket man a kai. Vanlawng hna cu anmah caan tuak ning in pehzulh tein an zuan khawh ṭhan nakhnga Cheongju International Airport ah rikhiahmi zulhphung hna zong kan tuah ti lai lo tiah a chim chap. Ramdang in zawtnak chawnh a tongmi minung 35 telh in zawtnak ngeimi hi 12,542 an si cang, tiah South Korea Health Ministry nih cawn ninga ni ahkhan cathanh an chuah. Credit: The Chin Post
