Related Articles
YDF: Gangaw lei a ra mi ralhrang 25 kan thah khawh hna: Kyaw in Gangaw lei a ra mi SAC ralhrang pawl voih hnih kah in YDF nih an kah hna caah ralhrang 25 leng an thi tiah an langhter.
Nizaan Pur 2 ni zing suimilam 8:00am hrawngah khan Kyaw in Gangaw lei a ral mi SAC ralhrang pawl cu YDF battalion (13) nih meithal le hriamngan he kan rak kah hna caah a hnu bik Mawtaw 2 an rawk i ralhrang 10 tluk an thi, hliamhma fak a tuar mi zong an um tiah YDF nih cun an langhter. Cun mibawmtu a ra mi zong an rak kah tthan hna hi SAC ralhrang lei in a thimi an tam tiah an langhter chap.
“Mi bawm ding in a ra mi mawtaw 4 cu landmine bomb kan rak puah hnawh ve hna, cu le cangka SAC ralhrang pawl i tthek in hmunhma an lak hlan ah hriamngan in kan kah hna caah ralhrang lei 20 tluk an thi” tiah YDF nih an langhter. Hi kahdohnak ahhin ralhrang lei nih Helicopter in mi ruak pakhat cu an phurh lio kan hmuh caah SAC ralkap lei in Brigadier nak in a niam lo mi ralbawi a thi hrimhrim lai tiah YDF nih cun an ruah damh. Hi kahdohnak ahhin mipi ralkap YDF lei in aho hmanh hliamtuar zong an um lo.
Thawngdang Relchih: Iran Vanlawng nih Naypyidaw ah Phaisa sernak ding ca hnah a van chiah, Iran ram Vanlawng pakhat nih Phaisa sernak ding cahnah tam taktak Naypyidaw ah Vanlawng kawrawn ah a van chiah tiin Khit Thit Media nih a ttial. Iran ram Fars Air Qeshm timi airline nih thil phurhnak Vanlawng QFZ 9977 timi vanlawng in Naypyidaw khuapi ah Phaisa sernak ding cahnah tam taktak ton 100 dengmang a rit mi cu nizaan Pur 1 ah khan a van chiah.
Phaisa sernak ding caah Cahnah a van chia tu Iran Vanlawng cu tunzing ah a kir tthan tiah a langhter chap. KUm 2021 March 31 nih ah khan Germany company Giesecke Devrient nih cun Myanmar ram caah phaisa sernak ding cahnah cu ralhrang nih hramhram uknak a lak ruang ah an phihnka kong an rak langhter. Cu hnu ah SAC ralhrang bawi Min Aung Hlaing nih cun innpa ram hna ah heh tiah phaisa sernak ding ah cahnah a kawl i Iran nih a van bawmh nak hi a si tiah thiamsang hna nih an chim.
Ralhrang bawi Min Aung Hlaing nih uknak a fir hnu in China, Russia, le Iran thil phur vanlawng cu a tu le tu in Yangon le Naypyidaw vanlawng kawrawn hna ah an rak ttum lengmang cang. Credit: Suimilam Media
