Zoom In Pumhkhawmhnak An Ngeih Cuahmah Lio Ah Nuva-Siinak An Rak Tuah, An I Chuahsual Cikcek

Hi hna nupa hi Judah miphun an si i Zoom in i khawmhnak an ngeihnak ah an i chuahsual, an camera thah (off) an rak philh ciammam i nupa siinak an tuah lio pi cu Zoom i a rak tthu mi hna nih an rak hmuhkhawh dih. Khuaruah a tam ngaimi hna nupa pakhat cu Zoom i pumhkhawmhnak an ngeihnak ah nuva siinak an tuah lio pi cu an langhter lengmang ti si. Tubantuk in nupa siinak an hman chung hi minute 45 tluk cu a rau lai, zoom in an hawile rual nih cun ar ko in an rak zoh hna tiah theih a si.

USA, Minneapolis hi Judah (Jews) miphun pawl an tam ngainak a si i May 14 ah Sabbath Service pumhkhawmhnak cu Twin Cites Temple Beth El biakinn ah cun aa chuahsualmi nupa le ti’n online in i tel ve dingah camera cu on sa in an rak i chiah. Cu hnu ahcun camera thahpiak nak ningcang an thiam ti lo i an nupa in nuamhnak an tuah lio pi cu ‘live’ in an lang ciamcuam ko ti si.

Minute 45 chung nuam taktak in nupa siinak an hman lio le nu cu taklawng in an um lio tibantuk pawl siseh zoom leng ah an holhmi le bia an i ruah pahmi tibantuk pawl zong an hawile nih cun an rak hmuh/theih dih hna. Zoom chung in a rak hmutu hna zong nih cun comment an peek len hna “tuhi zoom in pumhkhawmhnak kan ngeih lio a si dawkaw, camera ah nan lang dih, nan cawlcangh ning zoh aa dawh lo tuk. Camera kha off uh” tiah ca in siseh bia in siseh an au leen nain an thei kho hna lo.

Tthenkhat kum upa lei pawl hi Zoom tibantuk in caan hmannak, meeting si loah pumhkhawmh caan tibantuk ah hin camera thah ningacng a thiam lomi an tam ngai. Asinain annih pahnih hi cu kum upa zong an rih lo an si i tubantuk in an cawlcangh cu zoh an nuam lo taktak tiah an Khrihfabuu hruaitu pakhat nih cun a chim. An i pumhkhawmhnak ah an hmanmi video hi a nganmi an hman tikah an cawlcanghnak cu fiang taktak in hmuh khawh le zohkhawh an si. Managing Director Matt Walzer nih cun “Hi thil a canmi hi a hramthok in a dongh tiang ka theih dih ko nain a ho sin hmanh ah ka chim lai lo” tiah a chim.

Tubantuk in zoom chungah cawlcanghsual/chuahsual hi tulawng a si hrimhrim loh, 2021 October thla zongah khan New Yorker ca i rianttuantu pawl direct i zoom meeting an ngeih lio zongah phung lei hruaitu pakhat a simi cu a mah tein diriamhnak a rak tuah leen lio cu a lang ve. Zoom kan hman tikah kan i ralrin taktak a herh ko hih.

About admin

Check Also

Mizoram Ah Kawlram Minung A Thattu Pa Pakhat An Tlaihkhawh Cang

Mizoram Ah Myanmar Mi Pakhat A Thattu An Tlaih Khawh: India, Mizoram ramkulh Aizawl ah …

Leave a Reply

Your email address will not be published. Required fields are marked *