Related Articles
CDF-Matupi pasalttha pakhat nih nizaan 5 June 2022 ah khan mual a kan liam taak tthan tiah thawng theih a si. A thih ning thawngpang theih tikah lung a faak ngaingai, kahdohnak i an nunnak a liam hi cu zeihmanh kan tuahkhawhmi a va um lo i lung a si deuh (ka ttial duhnak sullam nan theihthiam lai dah).
A tu CDF-Matupi pasalttha a thihnung hi cu a dam lo i sii-ai thlopbul nak aa deih ti lo caah a nunnak a liam hi si tiah CDF-Matupi lei zong nih cathanh an rak chuah hi a si. A nunnak a liam mi pasalttha hi Thang Lian Mu tiah theih a si i kum 38 tluk minung a si. Tubantuk in sii-ai thlopbulnak a chambau caah a thih hi a si i lung a faak i ngaih a chia ngaite. Cu caah kan pasalttha le hna zohkhenh le dawt hi daithlang hrimhrim hna hlah usih.
Japan Ram Thawngpang Relchap: Japan Ram Ah Fa Ngeitu An Tlawm Chin Lengmang Tiah Japan Cozah Nih A Thanh! Japan ram ah a liamcia Kum 2021 chung ah khan fa ngeimi an tlawm chin tiah June 3 ah Japan cozah nih a thanh. Japan ram ah nikum chung fa ngeimi cu 811,604 an um i, Kum 1988 thok in ngandamnak lei cozah ṭuanvo ngeitu hna nih data an khawmhsuat ning in a tlawmbik kum a si. Fa ngeimi zat hi zatlang in chim ahcun nu pakhat nih a ngeihmi fa milu zat hi Kum 6 chung ah 1.3 in a zawr.
Japan ram hi vawlei cung ah tarnu le tarpa a tambiknak ram pakhat a si i, Covid zawtnak a karh lio ah khan ramri cu fek tein phihkhamnak an rak tuah khawh caah ramchung i rianṭuantu minung zong a zawrter ngai. Japan cozah nih a hmuitimhmi ṭhanchonak phak khawhnak ding ah cun Kum 2040 ah ramdang mi rianṭuantu hi atu nakin alet 4 in karhter a hau lai tiah Tokyo hrambunh dothlatnak tuahtu phu pakhat nih kan hnu zarh ah khan a thanh.
