Related Articles
Wetlet peng kahdohnak ah an thi rua tiah ruah mi PDF 3 nungdam in an hmuh tthan hna: Wetlet khuapi peng Min khua pawng ah sml 1:30 chung ba PDF fonh le SAC ralkap karlak kahdohnak a chuak. Cu kahdohnak ah mizapi ralkap lei in an thi cang rua tiah an ruah mi minung 3 hna cu nungdam tein an hmuh than hna tiah theih a si.
Min khua pawng kahdohnak ahhin PDF lei in paralttha minung 11 an thi tiah tuan ah thawng an rak thanh cang. Cu minung 11 chung in minung 3 cu kahdohnak a dih tlawmpal ah an va kawl hna i nungdam in an hmuh hna tiah hruaitu Bo Min Din nih a chim. Cucaah nizaan Chiapa 3 ni Min khua kahdohnak ah PDF minung 8 nih nunnak an pek, hliamtuar mi zong an um. Cun SAC ralkap minung 6 an thi i 4 hliamhma fak an tuar tiah a langhter chap.
“Kanmah nih cun minung 2 an thih lio lawng kan hmuh, asinain a hnu ah minung 6 an thi i, hliam hma fak a tuar mi 4 zong Wetlet sizung ah an rat pi hna” tiah an kan chimh tiah a bia a peh.
Thawngdang Relchih Hmanh: SAC Ralkap 2 CDM An Tuah I Seihphyo PDF Ah An Lut!: Magwe ramṭhen, Seihphyo(ဆိပ်ဖြူ) peng ah SAC ralkap 2 cu nihin July 3 ah CDM an tuah i Seihphyo PDF ah an lut, tiah CAF-SPU PDF nih an thanh. CDM tuahtu ralkap pahnih cu Pago ramṭhen Usiahpyin(ဥသျှစ်ပင်) ah umhmun khuar mi No. 601 batallion in an si, tiah CAF-SPU PDF in ṭuanvo ngeitu pakhat Ko Kha Naung(ကိုခနောင်း) nih DVB ah a chim.
Ralkap private No. 565202 Win Thein(ဝင်းထိန်) le min langhter a duh lo mi ralkap pakhat hna nih cun a hlan tein CDM tuah ding in timhtuahnak an ngei i June 27 khan an zaam cang, tiah an chim. “Hriamthil cu an i ken lo, CAF-SPU PDF ah ṭang in SAC ralkap kan doh ve lai an ti caah camp ah ṭha tein kan zohkhenh chung rih hna. Ceihhmainak kan ngeih khawh tik tu ah bia kan khiah te lai,” tiah PDF in ṭuanvongeitu nih cun a chim. A zaam mi pahnih nih cun, SAC ralkap hna cu camp leng an chuah ahcun ralram hmai suang ah kalter ding ti phunglam a um ruangah camp chuahtak ngam loin a um i, camp chung ah an buai ngai hna, tiah an chim chih.
Atu tiang ah CDM a tuahtu SAC ralkap le palek 10,000 leng an kai cang i CDM a tuah mi zong nikhat hnu nikhat in an tam chin lengmang. NUG cozah zong nih mah pumpak hlawknak ca lawng i rianṭuan mi SAC sin ah um peng loin CDM tuah ding in forhfialnak zong an tuah. Cupinah tlang cung hriamtlai phu KIA le KNU zong nih CDM a tuah mi ralkap pawl cu lunglawm tein an cohlan peng hna kong an thanh.
