Related Articles
Kalay peng ah nithum chung kahdohnak aa peh i SAC ralkap 42 an thi, PDF 2 an nunnak a liam. Sagaing ramṭhen, Kalay peng July 11-13 tiang SAC ralkap le PDF phufonh hna karlak ah kahdohnak a fak i SAC ralkap 42 an thi, mipi hriamtlai 2 an nunnak a liam ve tiah PDF-Kalay nih a thanh.
July 11 thok in Kalay peng, Hakhalay khua pawngkam ah PDF-Kalay, Vakok CNDF, CDF-KKG, RKDF, UGF-Kalay phufonh le SAC ralkap karlak ah kahdohnak a fah hi a si. SAC ralkap pawl cu July 12 zaanlei sml 4:55pm ah Sitha khua Nun (Ti-lah-shin) umnak pawng an phak ah mipi hriamtlai phufonh nih an kah hna i a thimi an tam tiah theih a si.
July 13 zinglei ah SAC ralkap le PDF phufonh hna karlak ah zinglei sml 7:30 am thok in Htaukkyan khuate pawngkam ah kahdohnak a fak ṭhan i bom le hriamngan/hme in kah an si caah SAC ralkap 42 an thi, mipi hriamtlai 2 an nunnak a liam tiah theih a si. Kahdohnak cu July 13 zaanlei sml 2:15pm ah a dih i mipi hriamtlai phu pawl an kir ṭhan tiah theih a si.
Thawngpang Dang Relchih: Chin ramkulh, Kanpetlet, General Administration Zung (Thwe-Oh-Zung), Peng fimcawnnak zung le B.E.H.S hna ah hmunhma a khuarmi SAC ralkap le CDF-Kanpetlet karlak June 11 le 12 ah kahdohnak a chuak i SAC ralkap 2 an thi tiah CDF-Kanpetlet nih a thanh. July 11 General Administration zung ah hmunhma a khuarmi SAC ralkap le CDF-Kanpetlet cu chun sml 12:00pm in zaanlei sml 3:00pm tiang kahdohnak a chuak i SAC ralkap a thimi bel a fiang in theih a si rih lo tiah theih a si.
July 12 ah Kanpetlet peng fimcawnnak zung le B.E.H.S ah hmunhma a khuarmi SAC ralkap le CDF-Kanpetlet karlak ah zinglei sml 11:00am in chun sml 2:00pm tiang hmunhnih ah kahdohnak a chuak i SAC ralkap lei in 2 an thi i mipi hriamtlai lei him tein an kir kho tiah theih a si. Credit: TCP
