Breaking: SAC Ralhraang Nih PDF Pasalttha Tamtuk An Kulh Hna Hnu Ah An Tlaih Dih Hna Ee (+Video)

Related Articles

Fanu Mitthli: Na Temh Lai Ning Ka Ruah Hin Ka Celhlo, Na Zei An In Tuknak le Dennak Dah A Fak Bik, A Hnubik Na Mui Zoh Awk Te Hmanh Umlo Lakin Ma An In Hrem Ko

March 23, 2023

Lung A Faak Ko: Mizoram, Saiha Ah CDF Ka Si Tiin Chin Mi Minung (3) A Thah Hna

March 23, 2023

“Kai Thongh Lai Paoh Ah Nuva Siinak Hi Ka Sikhawh Chungin Tuah Kai Zuam” Tiah UFC Champion Hlun Ronda Nih A Chim

March 22, 2023

Breaking: Shan State, Muse town ah SAC ralhraang nih hriamtlai phu pakhat an tlaih hna. Anmah SAC ralhraang lei nih an langhter ning ahcun hi kan tlaihmi hna hi Tualchung Gang (tualchung misual) an si tiah an langhter ve tiah Chindwin News Agency nih cun a chim.

Hi hriamtlai phu le SAC ralhraang hi nihin zaanlei 22/07/22 ah khan an i kaap hmasa tiah theih a si i cu i kahdohnak ahcun Tualchung Gang (PDF an si lai tiah zumh a si) lei in minung pakhat kuan nih a kheen i a nunnak a liam tiah Chindwin nih cun a langhter chih.

Cu an i kahdohnak ah cun SAC ralhraang nih an kulh hna tubantuk in an tlaih hna hi a si. Hi an tlaihnak hna hi Shan ramri ah a si tiah an langhter. A tanglei ah hin an tlaih lio hna video zong zohkhawh chih a si i a video ah hin SAC ralhraang nih an tlaihmi hna, an chuih an vuak lio hna zong hmuhkhawh a si tiah Chindwin News Agency nih a langhter. Hi ka hin Video cu zohkhawh a si Click tuah law.

Thawngdang Relchih: Kalay Peng Kahdohnak Ah SAC Ralkap 15 An Thi, Tiah Kalay-PDF Nih An Thanh!: Kalaymyo peng Kin Mon Chung(ကင်းမွန်းခြုံ) khua nichuah lei ah SAC ralkap le tualchung hriamtlai phu hna cu nizaan July 21, zinglei suimilam 8:00 ahkhan an i kap i, cu kahdohnak ah cun SAC ralkap 15 an thi, hliamhma tuar zong an tam ngai, tiah PDF-Kalay nih nihin July 22 ah cathanh an chuah.

PDF-Kalay nih cathanh an chuah ning ah, SAC ralkap nih Myitta tiva nitlak lei Kan Pale(ကံပုလဲ) khua cu hriamngan in an kah i, zaanlei suimilam 4:00 hrawng ah SAC ralkap nih Kin Mon Chung (ကင်းမွန်းခြုံ) khua inn 7 cu an khangh. Cun, zaan suimilam 9:00 hrawng ah Kalaymyo nichuah lei Pyinta(ပြင်သာ) khua i tilawng 2 nih SAC ralkap a thimi le hliamhma tuarmi hna cu a thiar hna hnu ah Kin Mon Chung(ကင်းမွန်းခြုံ) khua in Kalaymyo lei ah an kir țhan, tiah an thanh.

SAC ralkap nih an rak phummi bomb ruangah PDF – Kalay chungtel pakhat hliamhma a tuar, tiah an thanhmi ah cun an langhter chih. “Kanmah lei in ralkap pakhat hliamhma a tuar i, SAC ralkap hmanhmi bomb nih a ke khatlei a hliamh. Sii-ai thlopbul khawhnak hmun ah kalpi a si, a thi chuak mi a tamtuk caah thinphang ngai a si ko” tiah Kalay- PDF chungtel pakhat nih a chim. SAC ralkap hna cu PDF-Kalay(battalion 1,2,5,6,7), pah-kah-phah Kalay, CNDF-Vakok, CDF-KKG le RKDF phufonh nih an kah hna, tiah theih a si.