Related Articles
Breaking: Chinland Defence Force-Thantlang nih Thantlang Luh Tthannak Ding Kong He Pehtlai In Cathanh an rak chuah colh cang. Hi an cathanh chuahmi hi anmah Official page te i official tein an chuahmi cathanh a si i ttawnttawkmi pakhat hmanh a um lo.
1. Thantlang khuachung luh tthannak ding kong ah SAC Ralhraang hna hruainak in tawlrelmi le tuahmi paoh cu CDF-Thantlang nih kan pom lo.
2. Atulio caan cu mipi dohthlennak caan a si bantukin hi dohthlennak lamthluan ah mipi thazaang a zortertu tuahsernak paoh cu CDF-Thantlang nih kan doh.
3. CDF-Thantlang nih ai hmuitinhmi cu “Ralhraang ralkap uknak a hram in bongh ding, Federal Democracy kan ngah hlan lo hi dohthlennak cu tuah ding le dohthlennak kan tuahnak ah mipi humhimnak papek in rianttuan ding” ti a si.
4. Cucaah CDF-Thantlang nih Thantlang ah umhmun khuarmi SAC Ralhraang hna kan tei hna hlan lo chung le ‘a him cang’ tiah thawng kan thanh hlan lo chung apoh cu Thantlang khua kir a si lai lo.
Thawngpang Dang Relchih: Matupi ah Major Win Naing Nih Kum (17) Nu A Tlaihhrem! Chin Ramkulh, Matupi Sabawng Sang ah ummi, Kum (17) Nu cu Ralkap Pension cang mi Major Win Naing nih, June 25 chun ah a tlaihhrem tiah theih a si.
Matupi Khuami pakhat nih cun” tlaihhrem a tong mi nu i a nu hi April thla ah khan CDM a tuahmi Ralkap kong ah an rak tlaih, cu kong he pehtlai in Major Win Naing nih a fanu cu biahal ding a um tiin an inn chung ah a luh pi i a tlaihhrem hi a si” tiah a chim. Major Win Naing hi Matupi ah a umnak kum 15 renglo a si. Matupi kong tha tein a theih hngal mi a si i, Matupi khua ah BeoHaHmu nak in an tih deuhmi a si tiah theih a si.
Win Naing cu Pension la cang mi a si nain Matupi ah SAC Ralkap cawlcanghnak poh ah a tel pengmi a si, Matupi khua chung mi tlaihnak poh ah a mah nih a hruai hna, Cun SAC Ralkap he hmunkhat ah rian an tuan peng caah an chungkhar in khuachung ah um ngamlo in SAC Ralkap Camp chung ah an um tiah tualchungmi nih an chim chap.
