Related Articles
Kawlram sexy model minthang Thinzar Wint Kyaw cu nihin ah khan SAC Ralkap nih Shan State ah an thlah cang tiah Chindwin News Agency nih a langhter. Sexy model Thinzar Wint Kyaw hi 06, July ah khan Shan State Mongyai khua pawng ah tthitumhnak puai hmang dingin a tlawn kha a si.
Cutikah Shan ralkap uniform he puai cu a zawh i cu le cangka cun tubantuk in SAC ralkap nih an tlaih hi a si. Nihin i Chindwin nih a langhter ning ahcun an thlah cang tiah a ti, asinain tutiang hi mizeihmanh nih Thinzar Wint Kyaw cu chawnh khawh a si rih lo caah Shan Stat ah hin movie cu a zei lai zei lai lo timi a fiang ti lo tiah an langhter chap.
ThawngDang Relchih: SAC Nih Uknak An Laak Hnu Ah Mah Umnak Inn A Zaamtak Mi Sing 7 Leng An Um Cang! SAC Nih Uknak An Laak Hnu Ah Mah Umnak Inn A Zaamtak Mi Sing 7 Leng An Um Cang!: SAC ralkap nih hramhram in nawlngeihnak an laak hnu i ramchung buainak ruangah mah umnak hmun kaltak in ralzaam dirhmun a phanmi minung 758,000 tiang an phan cang. Khrihfa Biakinn le phung-ki biakinn hna telh chih in a tlawmbik Inn 19,350 cu SAC ralkap nih an hrawh, tiah United Nations Office for the Coordination of Humanitarian Affairs (OCHA) Myanmar nih nihin July 7 ah an thanh.
Atu i langhter mi zat hi 2021 February in 2022 June 27 tiang khawmhsuat mi cazin in langhter mi a si. Pako ramṭhen (nichuah lei), Kyaukkyi peng khua 12 in minung 5,400 leng nih mah umnak hmun kaltak in ralzaam dirhmun an phan. June thla lai in Tanintharyi ramṭhen LawngLung peng in minung 3,000 leng cu a himnak ramlak ah an zaam hna, tiah UNOCHA nihcun an langhter.
Kaya ramkulh ah ralzaam dirhmun a phanmi minung 4,000 leng cu Loikaw le Demoso pengchung an umnak hmunhma cio ah an kir ṭhan cang hna, tiah an langhter fawn. Myanmar ramchung huap in mah umnak kaltak in ralzaam dirhmun an phanmi dihlak cu sing 10 leng an si cang, tiah theih a si. Cu chung ah cun Sagaing ramṭhen le Magwe ramṭhen cu a tambik an si.
