Related Articles
Khachuan raang (Garlic) hi vawleicung kokek thil chuak ahcun sii ttha bik pawl a si lai tiah Scientist nih an zumh, zawtnak tampi a kham khotu kokek thil chuak pakhat a si ve. Khachuan nih hin taksa chung um rungrul siseh vun kanghkhawhnak tibantuk zong a kham kho tu siinak a ngei cucu mirang nih allicin an ti.
Cu caah khachuan hi a ttha taktak i nifatin tein ei piak i bucik (wart) kan ngeihnak zawn ah thuhpiak ahcun fawi tein a dam kho tiah thiamsang nih an hmuhchuahmi a si. ser (tanphaya) chung i a um mi acid zong nih hin kan vun siining hi a mahkel tein chiahkhawhnak a ngeih. Khachuan bantuk tein Ser zong nih hin rungrul tibantuk le a phunkip vun lei zawtnak zong hi a kham khawh ve. Cun hmape kan ngeihmi tibantuk hi ser nih a dam khawh ve i hman piak lengmang ahcun vun lei zawtnak (hma) tibantuk zong fawi tein a dam khawh.
Zeitindah a tuahning cang a si tiah cun, Khachuan baa khat a herh, ser kha a lai in na cheu lai i cu a haang cu a herh fawn, cun hmatuamnak (bandage) zong a herh rih (hihi cu a hau hrimhrim tinak a si lem lo). Hi a cunglei kan langhtermi hna hi thil tlawmte lawng an si nain bucik na/kan ngeihmi kha fawi tein a dam khawh ve. A tuahto ning hi thil harsa zong a si hrimhrim loh i a fawizaangmi te a si, buhcik hna na ngeih ve a si ahcun rak try ve hrimhrim law naa fiang ko lai.
A cunglei kan rak langhtermi hna i khachuan baa khat kha dip tein na phomhpiak lai, na phomhpiak hnu a dip cang na ti tikah ser na cheumi a haang he khan ttha tein na cawhpiak lai. Cu hnu ah minute tlawmpal na hngahpiak lai cuticun na cawhmi kha a van kham deuh lai, cu a dih cun buhcik na ngeihnak zawn le a pawngkam hrawnghraang kha na thuhpiak dih lai i zaan i aa ciahkhawhnak deuh ding caah hmatuamnak in na tuampiak lai.
Cuticun zaankhuadei na chiah lai i zing na thawh in na tuammi cu na phoihpiak lai, na thuhnak paoh kha ti tampi in thiang tein na ttawl lai na ngen chih lai cu hnuah ttha tein roter khawh naa zuam tthan lai. Cucu zaanchiarte na buhcik a reh hlan lo na tuahpiak khawh ahcun buhcik na ngeihmi cu a dam cikcek ko lai.
