Related Articles
Nai tan an thlai (thah) mi hna caah bulhnak phaisa tete a chuak pah leenmi a um tiah theih a si i cucu Ko Jimmy nupi nih hi bulhnak nan tuahmi tete hi kei cu ka cohlang loh, dothlennak ca tu ah bawmhnak tuah deuh uh tiah a ti hna.
SAC ralhraang rual hna nih ramkhel lei ah biatak thlak in a cawlcang in an tlaihmi hna Ko Jimmy, Phyo Zayar Thaw, Myo Aung le Aung Thura Zaw hna cu thong an thlaknak hna Insein thonginn chungah tuzarh chungah khan an thlai (thah) hna tiah thawng theih cio cu a si i Kawlram i Democracy a dirpitu hna nih cun kan lung a rak faak i kan ngaih a rak chia cio.
An ruak zong cu chungkhar sin ah peek dawh a si lo, Ko Jimmy nupi hna nih cun a ruak ka hmuh hlaan lo zeibantuk vuinak (thlahnak) hmanh ka tuah lai lo tiah a rak tarlangh cang. A taktak ngaingai tiah cun Kawlram phungning te ahcun ruak hi chungkhar lei nih halnak a um ahcun ttha tein i pek awk a si. Cu caah Ram dangdang in kakipn ih ruak vuinak caan an rak hmang hna i bulhnak phaisa a chuakmi tete zong a tam ngai tiah theih a si.
Jimmy Nupi Nilar Thein nih cun “Vuinak caan ser tuah kaa tim lo, a tuah zong ka tuah fawn lai lo, Ko Jimmy caah tiin bulhnak a pemi tete an um tiah thawng ka theih. Khoi ka ram a si paoh ah Ko Jimmy caah tiin bulhnak le caan nan sermi hi, kei a nupi Nilar Thein nih hin zeihmanh kan theihpi hna lo i pehtlaihnak zong ka ngei fawn lo. Bulhnak peek ka hau lo, ka cohlang fawn lo, Dothlennak caah bawm deuh hna uh, bawm hna uh, Lungrual tein karhlang ko uh. Hi Dothlennak hi teinak kan hmu hrimhrim te ko lai” tiah a chim.
