Related Articles
Kan pasalttha rual CDF-Thantlang in Bual-Battalion hna cu ralram an kalnak in an rak tlun lei ah Tikir khua ah sunglawi ngai in an rak don hna. Miphun le ram caah ti’n an i pumpeknak hi zohtik ah lawmhnak mitthli a luang. Thaizing an dirhmun aa chim kho lomi an si.
Hriam a tlai ve lomi kan nih mipi hna nih hin kan sikhawh chungin kan bawmh hna awk le kan dirkamh ding hna hi kan rian nganbik cu a si ko. Minung an si ve tikah an tlamtling dih lai lo, an palhnak caan zong tampi a um lai hmanhsehlaw nunnak tiang thaap in dothlennak a tuahmi an si caah an palhnak lawng a cinken loin an temtuarnak zong kha kan theihpiak chih hna hi a biapi tuk.
Tutan zong ralram ah a kalmi CDF-Thantlang in Bual battalion hna cu sunglawi ngai in Tikir khua ah an rak don hna pin ah Pathian sin ah thlacamnak zong an ngeihpiak chih hna. The Chin Post nih cun tihin a langhter “CDF Ralram In A Rak Tlung Mi Hna Cu An Hawile Nih Tikir Ah An Don Hna! CDf-Thantlang Bual Battalion ralkap ralram in a rak tlung mi hna cu an hawile nih Tikir khua ah lunglawm tein an don hna i, khuanu khuapa le Pastor te nih telpi in, thlacam piaknak an ngeih hna, tiah theih a si.” ti’n an langhter.
