Related Articles
Vawleicung pumpululh celhthiam minthang Cristiano Ronaldo i a dawtmi Georgina Rodriguez cu sexy taktak in Instagram ah a rak lang tthan. Sexy nawn in a um lio Video aa thlakmi cu brand pakhat a simi Alo Yoga i fakthanh (advertisement) a tuahpiakmi hna a si.
Lionel Messi thaisungnu Antonella zong nih kan hnung teah khan Alo Yoga brand hi a rak fakthanh ve i tthenkhat mipi comment tu hna nih cun Messi thaisungnu thil tuahmi aa cawn tiah comment an peek leen ve. Messi thaisungnu Antonella i a post mi belte cu sexy tuk a si lem lo, yoga tuahnak angki/bawngbi aa reekmi tu aa hruk i exercise a tuahnak a rak post cu a si.
Ronaldo a dawtmi belte cu sexy taktak in video tawite he fakthanh cu a tuahpiak hna. Angki raangmi aa aih, kedenh dil saang taktakmi (pink color) cu aa bunh i underwear a nakmi te le a sam zong sau nawn in aa phiar i cuticun Alo Yoga fakthanhnak cu a tuah ve. Ronaldo darling Georgina hi ramkip ah khual a tlawng lengmangmi a si ve nain Manchester deuh tu hi fek te i an khuasaknak cu a si rih (Ronaldo aa celhnak club).
Thawngpang a leen ning ahcun Ronaldo nih hin Champions League icelh a duh caah United in chuak dingin a hal hna tiah theih a si. Kum 37 tluk a si cangmi Ronaldo zong tutan United pre-seasion tour an ngeihnak ah voikhat hmanh a telpi kho hna lo, khat lei ahcun chungkhar thil ruangah a si tiah media nih a langhter. Khat lei ah Georgina le a fale cu Madrid ah kal in Rosalia concert, Wizink Center ah caan an hmang ve.
Spain lei media report nih a langhter ning ahcun Georgina nih hin Spain ram i kir tthan hi a duh deuh tiah an ti. Ronaldo zong cu naihrawng hi Atletico Madrid nih cawk an duh timi thawngpang a leeng tthan hoi. Hmanhsehlaw Atletico nih in caw hna sehlaw Ronaldo hlawh hi an pe kho hnga maw timi biahalnak a um ve, a tu a hlawh hi zarhkhat ah £480,000 bakte a hlawh rih.
