Related Articles
SAC Ralkap Nih Hrithlai Thahnak An Tuahmi Kong Ah ULA Nih Cathanh Chuah! Ko Jimmy le Ko Phyo Zayar Thaw le midang 2 SAC ralkap kut in thah an tonnak kong ah chungkhar, rualchan le Myanmar mizapi hna nih an tuar bantuk in kan tuarpi ve hna i, kan ngaihchia tuk hringhran, tiah United League of Arakan(ULA) nih nihin July 25 ah cathanh an chuah.
SAC ralkap thil tuahmi nihhin ramkip, ram innpa le ASEAN ram hna nih ramchung buainak daihter ding i an rak tawlrelcia mi vialte cu tam tuk a hrawh, tiah United League of Arakan- (ULA) nih an langhter chih. SAC ralkap nih mizapi lungthin le thinhunnak cu tuar khawh lo ding tiang a khoih caah Myanmar ram mizapi nih lehrulhnak an tuah dingmi kong ah thinphang a si, tiah AA nih thanh.
Ko Jimmy le Ko Phyo Zayar Thaw le midang 2 SAC kut in thah an tonnak kong he pehtlai in SAC ralkap lei chimphuannak nawl ngeitu General Zaw Min Htun cu RFA nih pehtlaihnak an tuah nain, zaanlei suimilam 3:00 leng tiangah pehtlaihnak kan tuah kho rih lo, tiah theih a si.
Thawngdang Relchih: Ram chungah Petrol Man A Țum, Paletwah Ah Cun Pehzulh A Kai. Myanmar ramchung ah July 9 thok in Datsi, Diesel man 2000 tang ah a țum țhan cang nain Chin ramkulh Paletwah peng ah cun Pehzulh in a kai chin tiah an chim. Paletwah peng zong hi Chin ramkulh, a dang khuapi hna bantuk in eidin hna le thilri hna cu a caan hman tein a phanh khawh tilonak kumkhat leng a si cang i nihin nitiang thilri luhchuah a harnak khuapi pakhat a si.
”Datsi 1Litre ah 5500 in kan cawk. Cu hmanh ahcun tampi cawk a ngah lo tlawmte lawng kan cawk khawh . Datsii le Diesel man a tu bantuk in a kai peng caah kan duhpaoh in kan tlungkal kho lo. Datsi, Diesel man a kai paoh ahhin thilri man a kai ve caah a hlan bantuk in rawl zong thathi in kan ei kho ti lo tiah ” Paletwah khuami pakhat nih a chim.
Paletwah ah a herhmi eidin hna cu Rakhine ramkulh Kyaukdaw(ကျောက်တော်) in an lak mi a si i AA le SAC ralkap karlak ah kahdohnak le a dangdang ruang ah KyaukDaw( ကျောက်တော်) tilawng tlunkal an khar ah cun Paletwah ah eidin man tamtuk a kai tawn. Aluan cia thla zong ah khan Facang tun khat 120000 tiang a kai tiah khuami hna sin in theih a si. Credit: The Chin Post
