Related Articles
Kalaymyo Ah Lei Rian Ṭuanmi Pa Pahnih SAC Ralkap Nih An Thah Hna! Sagaing ramṭhen, Kalaymyo thlanglei khuate a khaangtu SAC ralkap nih lei rianṭuanmi pa pahnih, Aung Htey Win le Phu Ni cu an thah hna i an ruak cu an hlonh hna, tiah tualchung mi sin in theih a si.
August 16 zing sml 6:00 hrawng ah SAC ralkap 50 hrawng nih Sagaing ramṭhen, Kalay peng thlanglei UG sakhan pakhat cu an luhhnawh i, UG ralkap pawl cu an luat ko nain, a pawngkam ah lei rianṭuanmi pa pahnih cu a ruang um loin an thah hna, tiah PFF Kalay Battalion 2 nih an langhter. Cu hnuah Layingsu(လေးအိမ်စု) khua um SAC ralkap pawl cu PDF nih an va kalhnawh hna i, Letpakhone(လက်ပံခုံ ) khua in Kalay lei ah SAC ralkap pawl cu an kir, tiah PDF Kalay nih cathanh an chuah.
Thawngdang Relchih: Zahnak Area Chung Ah Ramvaihnak Scope Hmang In Ramvaih/Vakah Le Lenkhang In Va Rapchiah Kham A Si Cang! CDF-Thantlang control Area pakhat a si mi Zahnak Area chung ah Zahnak Youth Association le Khuabawi hna hnatlaknak in Area chung ah scope bunh mi zen/kuan meithal phun he ramvaih le vakah siseh, lenkhang zar in varap chiah (lochung riit khamnak telh lo) khap a si cang, tiah theih a si.
“Cu hlan cu ZYA le Bawitlang nih an khap nain hmalaknak ai ruan lo ruang ah Police sin ah ap a si cang caah, Police nih hma an lak cang lai. Scope bunh mi meithal/air-gun cu hmuhnak poh ah chuh an si lai i, lenkhang varap tarh cu hrawhpiak an si lai,” tiah Department of Information Director- PATZA (PATZA- Public Administration Thantlang-Zahnak Area) nih The Chin Post ah a chim.
“Hi bantuk kan tuahnak a ruang hi atu lio Lai khuate lei ah lenkhang zam in va rapchiah ruang ah siseh, airgun scope bunh in vakah hman tuk ruangah sa-va an an har ngaingai cang i, mipi lei duhsaknak ruang ah a si” tiah a chimchap. Credit: The Chin Post
