Related Articles
Dalaan tumpi thah a si tthan. Hi pa hi ttihnung taktakmi le mipi hriamtlai phu hna siining heh tiah SAC ralhraang sin ah a phozar tawntu, Kawl holh cun Dalaan tiah minbunh a si i nihin ah a thihnak kong cu Chindwin News Agency nih a langhter.
Hi pa hi a min Mr Nay Ni Aung tiah theih a si. SAC ralhraang sinah thawng a pe lengmangtu tiah min laar taktakmi a si i Dalaan tumpi a si tiah tikhawh a si. Mandalay khuapi i Mandalay Palace timi hmun ah tuksapur in thah a si tiah Chindwin News Agency nih cun a langhterning a si. Tutiang ah mizeibantuk phu nih dah an thah timi belte theihkhawh a si rih lo i Chindwin zong nih cucu a langhter lo.
Mar Nay Ni Aung thihnak konghe pehtlai in SAC Ralhraang (Tatmadaw) lei zong an lau ngaingai tiah theih a si. Thawngpang kip a pe tawntu hna a si tikah tubantukin thah a hong si cu Ralhraang lei zong nih an siang lo ngai tiah theih a si. Mr Nay Ni Aung an thah hi nizaan tihni August 03, 2022 kha a si lai tiah zumh a si.
Thawngdang Relchih: Myanmar Rammi 200 Leng Cu Agent Nih A Hlen Hna Caah Yanong Ah An Taang!: Thailand ram ah phung ning tein luh khawhnak ka’n tuahpiak hna lai, tiah Agent(ramleng chuak mi hna tawlreltu phu) pakhat nih a hlen hna caah Myanmar rammi 200 leng cu Yanong khua ah an tang, tiah theih a si. Kawthaung khua ral Thailand ramchung Yanong khua ah a taangmi hna cu Magwe, Bago, Ayeyarwaddy ramṭhen in minung 226 an si, tiah Bago ramṭhen Daih Oo khuami pakhat nih a chim.
“Hngalh bal lomi agent pakhat nih Thailand ram ah phung ning in nan kal lai i, nan phanh hnu in rian nan hmuh tiang ṭuanvo kan lak hna lai a ti hna i, minung pakhat ah Kyats sing 17 a hal hna. Sihmanhsehlaw Thailand ram cu phung ning loin kan lut,” tiah a chimchap. Kan kal duhnak ah kal kho loin Yanong ah thla khat leng kan um cang. Puaisa nih phaisa zong a kan hal chap, tiah Daih Oo khuami pakhat nih a chim.
“Minung pakhat ah Thai Baht 6000 nan ka pek lai. Nan ka pek lo cun nan lan kho lai lo, a ka pemi cu atu hrimhrim ah nan lan kho lai a kan ti. Kannih cu kan inn kam innhmun hmete pawn chom in a rami kan si,” tiah a chimchap. Yanong khua ah hrenmi Myanmar rammi hna cu va chanh ding ah Thailand ram rianṭuantu hna zohkhenhtu sinah bawmh kan hal, tiah Daih Oo khuami nu pakhat nih a chim.
An agent hi Phu La Pih a si i, mino te a si. Midang agent thawng in Thailand ram a phanmi a si, tiah theih a si. Nawlngeihnak lak hnu in Myanmar mi hna cu pawcawm kawlhawlnak dingah Malaysia le pawngkam ram ah phung ning loin a kalmi an tampi cang. SAC nih phung ning loin minung cawk zuarnak asiloah phung ning loin agent nih hlen, tibantuk khamnak ding ah Kawthaung khua ah training a tuah, tiah theih a si.
