GoodNews: Aa Suum Kho Ti Bak Lo Le A Si Lai Dah, Zuu Phiar Dingin A Kal i An Rak Tlaih Ko Hih

Related Articles

Fanu Mitthli: Na Temh Lai Ning Ka Ruah Hin Ka Celhlo, Na Zei An In Tuknak le Dennak Dah A Fak Bik, A Hnubik Na Mui Zoh Awk Te Hmanh Umlo Lakin Ma An In Hrem Ko

March 23, 2023

Lung A Faak Ko: Mizoram, Saiha Ah CDF Ka Si Tiin Chin Mi Minung (3) A Thah Hna

March 23, 2023

“Kai Thongh Lai Paoh Ah Nuva Siinak Hi Ka Sikhawh Chungin Tuah Kai Zuam” Tiah UFC Champion Hlun Ronda Nih A Chim

March 22, 2023

Zuu ram tuk a tthat lo nak tiah Chindwin News Agency nih cun a rak langhter cucu zeidah a si tiah cun Kawl palik pakhat kha aa suum kho ti lo i zuu cawk ah an umnak hmun in a chuak, cu ah cun PDF (People Defence Force) nih an rak tlaih hi a si.

Hi thil a can hi nizaan ah khan a si i Magway region, Gangaw township ah palik pa an tlaih hi a si. Kawl ralhraang palik pa hi zuu tama ngai dawh a si, aa suum khawh ti lo caah an umnak hmun in khuachung lei ah zuu cawk ding cun a chuak ti a si i zaanglei suimilam 6:00 PM hrawngah khan Yaw Defence Force (YDF) nih an rak tlaih hi a si tiah YDF Headquarters lei nih thawng fehternak an rak tuahmi hmuhkhawh a si.

Hi Kawl ralhraang palik pa hi a min ah Zaw Naing Oo tiin theih a si i Private Batch No hi 260903 a si tiah theih a si, hi hmun an umnak hi thlakhat hrawng cu a si lai tiah an langhter i tubantuk in mipi thuam ihruk in zuu cawk ah a chuahnak in Yaw Defence Force, Battalion 4 nih an rak tlaih hi a si tiah Chindwin News Agency nih cun a langhter.

Thawngdang Relchih: Afghanistan ah Nu Pawl Nih Nuhrin Covo An Ngeih Khawh Nakhnga Lam An Zawh. Afghanistan ah Taliban nih uknak an tlaih kumkhat a tlin lai August 13 ni ah, nu pawl nih fimcawnnak, rianṭuan khawhnak le nawlngeihnak an hmuh khawhnak ding in lam zawhnak an ngei. Taliban uk duhlonak a langhtertu nu pawl nih cun August ni 15 cu, Muihnak Ni a si tiah catar i ken in Kabul khuapi, Fimcawnnak Zung lei ah lam zawh in an au.

Duhlonak a langhtertu nu pawl nih cun Taliban nawl chuahmi; hmaihuh ding timi nawl zong zul duh lo in hmaihup lo in duhlonak an langhter. Duhlonak langhternak ah aa telmi hna cu Palik nih tlaih ding in an dawi hna i an tukvelh hna pin ah an ṭhenṭhek dih hna, tiah mithmutu pakhat nih a chim. Nu nih duhlonak an langhter mi kong cu media ah thanh lo ding in Taliban nih thawnglatu pawl kham hna.

Zalong tein duhlonak a langhtertu hna cu thazaang hmang in an tukvelh hna caah thinphang ngai a si, tiah Amnesty International phu nih Twitter ah an tarlangh. US Ralkap nih Afghanistan ram cu a chuaktak hnu in, nikum August ni 15 thawk khan Taliban nih uknak an tlaih i, cu thawk cun Afghanistan ram ah nu nih rian ṭuan khawhnak le fimcawnnak nawl cu an rak phih.