Related Articles
India ram Kum 75nk Independence Day cu Tiokap ramri khua Thingsai ah ka va hmang duak kho ve. MLA palai pakhat a rak phan. A zaan ah tonnak kan ngei kho.
MLA palai sinah “Khuachak nan unau cu kan rambuai ruang ah; cozah zong kan ngei lo. Kan MP pawl nih an kan zaamtak dih. Tuzaan MLA palai kan hun in ton hi khuachak nan unau nih kan MLA palai kan rak in tong ve ti khi a si ko. Mizoram Govt. hi kan cozah a si ve. Rak kan daw ko uh. Mizoram buai lio kan rak in zohkhenh hna nak tuanbia ruat bu tein kan zohkhenh ve u. Kan vawlei ah Mizo Hnam pasaltha hna ruh hmanh an ral rih loh.
Cu ca ah, nan rambuai lio kan rak in temtuar ve hna nak le dawtnak leiba kan cham hna ti mi ruat buin kan zohkhenh hram ko uh” tiah a tlangpi ka chim. Nan Zalen Ni kan in lawmhpi hna. Kan in hngar hna. Nikhat khat ah hi bang Zalen Ni kan hmu ve te lai tiah fek tein kan zumh tiah ka hei chim ve. Credit: Salai Lengkawite. Note: Salai Lengkawite (Tial Hram Ling) hi a tu CDF-Zahnak Battallion-4 i Chairman rian a tlai cuahmah liomi a si, anih hi mino te a si nain a ruahnak a pical ngaingaimi pasalttha pakhat a si.
