Related Articles
Breaking: SAC Ralhraang nih Kawlram minthang Model Nang Mwe San le Thin Zar Wint Kyaw cu case an tuahpiak hna, biaceih dingin timhtuahpiak an si cang. SAC ralhraang nih cun hi hna pahnih hi Kawlram nunphung an hrawh pin ah social media chungah sexy hmanthlak le video an thlah tuk caah tubantuk in biaceih dingin case kan siampiak hna hi a si tiah an langhter.
A taktak ngaingai tiah cun Model rian cu sexy deuh in um a herh caan zong a hau ve, hi zong hi Kawlram mipi nih cun SAC ralhraang thluak a si ko tiah a timi tampi an um zeicatiah sexy hmanthlak thlah ruangah sual i phawt khawhnak timi a um lo i cucu mah duhthimnak kha si pin ah model pakhat rian zong a si fawn. Thinzar Wint Kyaw zong cu naitan July thla i Shan ralkap thuam he tthitumhnak puai a rak kal i ralhraang nih an tlaih colh ve nain thlah tthan a si. Cu tlawmpal cun nihin tiang Social media a hmang ti lo.
Model Nang Mwe San zong hi a si ve tthiamtthiam. Anih hi May thla ah khan SAC ralhraang nih an rak tlaih vemi a si, anih hi Democracy Dothlennak ah Social Media ah biatak tein a rak cawlcangmi a si ve tikah May thla ah khan an rak tlaih, cu hnu thok cun nihin tiang Nang Mwe San nih hin Social Media a tawng ti lo tiah Chindwin News Agency nih cun a langhter.
Kan theih cio bantuk in hi hna pahnih model Thinzar Wint Kyaw le model Nang Mwe San hi Kawlram ahcun model le actress rian a tlaimi an si. Tubantuk in Kawl nunphung nan hrawh pin ah sexy hmanthlak hna cu Social Media kip ah nan phozar tiin case an siampiak hna hi a si i, hi konghe pehtlai in SAC ralhraang lei thawngpetu TV, mikip nih cun MRTV tiah theihmi nih langhternak a tuah.
