Related Articles
Malaysia ah Chin mi pakhat nih a fa le pathum he hlei cung in an zuang i a hmun bak ah minung pa thum cu an nunnak a liam. Malaysia ah a thinlung tlamtling pah lomi pa pakhat nih a fa le pa thum cu a hruaihna i hlei an zawh lio ah a fa le pa thum cu a thlak hna pin ah amah zong a zuang ve i a fa le pahnih le a mah cu a hmun ah an nunnak a liam i a fapa pakhat belte cu hliamhma faak pi he siizung ah a um lio a si.
Nunnak a liam mi minung pa thum cu tuni august 4 ah an ruak an vui hna tiah Chin World nih a langhter. Hleicung in a zuangmi hi Thantlang Myonay, Mifus gotala khua i Mara lei mi an si i mah hlei cung a zuan hlan ah hin a fa le pa thum cu a mah hlan ah a thlak hmasa hna i a thlaak dih hna hnu ah a mah zong a zuang ve tiah anmah he a naihniammi minung pakhat nih a chim. Mah pa hi Malaysia a phaak hnu in Biaknak lei zongah a ruahnak a dang kho taktakmi a si pin ah a biachim pawl zong zeihmanh a hman lo mi a si caah rian ttuan awk a tha lo i inn tu ah a mah nih ngakchia a zoh hna i an nu tu laeng ah rian a ttuan mi a si tiah an mah he a neih niam mi pakhat nih a chim.
Atubantuk in hlei cung in a zuangmi Chohlei kum 38, a fapa Vabiechose kum 6, a fanu Vedestisoh kum 8 hna hi a hmun ah an nunnak a liam i a fapa hniang bik Shadrah Vabiechopha kum 3 te lawng a si rih, amah tuhi hliamhma faak pin a tuar i Selayang siizung ah an zohkhenh cuahmah lio a si tiah Chin World nih cun a langhter.
