Related Articles
SAC Ralkap Nam In A Sawhtu Ngakchia Pate Cu A Hliamhma he Ralkap Nih An Hrem! Bago (ပဲခူး) ramṭhen, phyi (ပြည်) peng, Hmawza(မှော်ဇာ)khua Sianginn pakhat ah tang 7 a kai liomi, kum 14 ngakchia Awng Myint Myat, SAC ralkap nam in a sawhtu cu meithal kahnak hliamhma he siizung ah thlopbul a si i, a hliamhma a fah ngai caah a tha a der ngai tiah theih a si.
Meithal kuan nih cun a hnakpang ah a khen i a thi tam ngai a chuak. Innkhan dang teah an chiah i, SAC ralkap nih cun a hliamhma he bia an hal i, an hrem chih. An tukvelhnak ah a hmai le a takpum cu an vual dih i, a nunnak caah thinphang a si ko, tiah tualchung thawnglatu nih an chim.
Riahcaw Laak Ah A Kalmi SAC Ralkap 7 Cu Bomb Puah Nakin An Thi Dih: Sagaing ramṭhen, Pale peng ah riahcaw laak ah a kalmi SAC ralkap 7 cu nizan August 7 zinglei ah PDF nih bomb an puahhnawh hna caah an dihlak in an thi dih, tiah theih a si. Nizan zing sml 6:45 hrawng ahkhan ralkap 7 cu Pale peng Tapikung khua pawng Natsinkung Zayet tlang lei kap ah bomb lung 6 in kan puahhnawh hna, tiah Royal Eagle People Defense Force-Pale in ṭuanvo ngeitu nih a chim.
“August 3 ah Pale in SAC ralkap 80 hrawng nih rallam an rak sial. Mintaingpin phungki sianginn ah zan khat an riak. Rallam a sialmi bochan in Innmahti(အင်မထီး) khua ah riahcaw la ding in a rami SAC ralkap 7 cu bomb lung 6 in kan puahhnawh hna,” tiah a chimchap. A thimi ralkap 7 cu Mintaingpin phungki sianginn ah a riakmi hna he phu khat an si, tiah theih a si.
Kahdoh an ton hnu in a taangmi ralkap pawl nih Mintaingpin khua he aa naihnak ah a ummi Tharyarkung khua cu an khangh caah inn 30 leng a ciam cang. Cu pinah ngandam lo in, ral a zaam kho lomi Mintaingpin khuami Htet Htet, kum 30 cu a inn ah an kah thah, tiah theih a si.
Thailand Ram Nightclub Pakhat Cu A Kaang I, Minung 13 An Thi, 40 Hliamhma An Pu: Nihin August 5 zinglei ahkhan Thailand ram Chow Buri ramkulh, Ngihtclub pakhat cu a kangh caah minung 13 an thi i, 40 leng hliamhma an pu, tiah meithat zung in ṭuanvo ngeitu pakhat nih a chim. Sattahip pengkomh ummi, Mountain B nightclub cu tuzing lei sml 1:00 hrawng ah a kaang i, a thimi cu Thai mi lawngte an si, tiah palikbawi Mukti Pawson Jai nih a chim. Cu nightclub cu Bangkok khuathlang lei km 150 aa hlatnak ah a ummi a si.
Nightclub a kangh hnu sml 3 ceo ah meithattu nih an phalh khawh. Cu Ngihtclub cu a luancia thla khat ah rak hunmi a si, tiah theih a si. 2009 lio ah Bangkok khua um Santika Ngihtclub zong a rak kangh caah minung 67 an rak thi i, 200 leng hliamhma an rak pu. 2021 kum ah khualtlawng mileng an tam biknak Phuket Island i Ngihtclub pakhat zong electric mei ruangah a rak kaang i, minung 4 an rak thi. Credit: The Chin Post
