Related Articles
CIRIANG TLANG CU RALHRANG NIH NATIONAL PARK AH AN THANH: Thantlang peng, Vailamtlang ah a ummi Hriangkhan le Thau khua ( Bualpeng le Vailamtlang tlang hnih karlak) kar Ciriang tlang cu ralhrang pawngkam le thingram kokek zohkhenhnak nih National Park ah an thanh.
Ciriang tlang hi Thantlang in meng 43 hrawng aa hlatnak ah a um i, Hakha-Thantlang-Saisihchuak lam or in Mizoram lei pehtlaihnak lampi a si caah ramchung ramleng in pehtlaihnak le thawchuahnak caah ti’n khual caah dinhmun tha a si lai tiah an langhter. Hi Ciriang tlang ahhin Chokhlei par, Vaurawng, phaizawng par le kokek pangpar par nak hmunhma a si hlei ah ramsa phuntam pi an umnak, sazuk, sathar, saza, cakei, vom, sakhi, ngal tbk phun tampi umnak a si. Tisor tlaknak tha zong a si caah le va, tizu ngacel hna le minung din dingah tithiang a si fawn caah Ciriang tlang cu National Park tiah kan thanhnak a si tiah ralhrang nih an thanh.
Ciriang tlang hi Area 6804.50 a kau tiah an langhter chap. Ralhrang nih Thantlang peng ah Ciriang tlang lawng siloin Hriphi khua ah a ummi Mie pi tlang zong National Park ah an rak thanh cang nain, ralhrang uknak hmunram a si lo caah tuah khawhmi zeihmanh an ngei lo. Credit: The Lairam Times
Thawngdang Relchih: Nawlngeihnak latu SAC ralkap le tlangcung hriamtlai phu cheukhat tonbiaruahnak an ngeih mi cu, A lengphaw in ramkhel lei cawlcanghnak lawng men a si tiin ka hmuh, tiah ULA/AA in chimphuannak nawlngeitu U Khine Tu Khah nih nihin August 11 ah a chim. SAC le hriamtlai phu hna biaruahnak phichuak cu ULA/AA nih kan zoh ko hna, atu tiang ah aa thleng hlei mi le kan lungtlinnak a um rih lo. A lengphawvuan lawng in thil tuah cu ULA/AA nih thazaang kan pe lo. A tak ah aa thlengmi tuahsernak lawng kan cohlan. ULA/AA nih cun SAC cu zumh ding ah kan ruat rih lo.
Anmah he tonbiatuahnak ngei ding in timhtuahnak kan ngei lo. “Tonbiaruahnak ngei ding in SAC cu zumhawktlak an si lo,” tiah a chim. Rakhine ram ah SAC ralkap le AA kar i hnorsuannak a fak chinchin i, Rakhine mipi hna ca ah ṭhathnemnak a um ahcun a herhmi poh tuah ding ah timhcia kan si, tiah AA lei chimphuannak nawlngeitu nih cun a chim chap.
