Related Articles
Biaceih zung ah aa kawp liomi ngaknu le a tlangval pa cu voithum tiang bak nuva siinak an tuah lio an hmuh hna. Hi ti voithum tiang nuva siinak an tuah hi ngaknu nih Sihni (Judge) hmai ah a chuah hlaan deuh a si.
Aa kawp lio mi ngaknu le a tlangval pa nih voithum tiang Biaceih zungah nuva siinak an tuah lio cu an hmuh hna. Ngaknu hi Sihni hmaika ah a dang konghe pehtlai in a dir ding a si tiah theih a si. Kum 19 tluk hrawng lawng a simi Shameka Jule Leeding, Queensland ah khuasa, cu Toowoomba Magistrates Court (Biaceih Zung) ah thil dang he pehtlai in June 28, 2022 ah khan a chuak, cucu a tlangval (partner) pa Jake James Quinn, kum 20, nih cun a rak zulh hi a si.
Cuti a tlangval pa nih a rak zulh tikah i suum khawh dawh an si ti rua lo, Biaceih Zung bak ah cun rian rang ngai in voithum tiangte nuva siinak an tuah manh tiah an chim. Cuti an i nuamh lio cu CCTV in an rak tlaih hna i police prosecuter a simi Cameron Francis nih cun hi aa kawp liomi hi a thok ahcun i hnamh (kiss) in an thok, tthutnak i nichuahlei a sirlei teah an tthu, hi thil a can hi zinglei suimilam 9:40 AM hrawngah a si tiah a chim.
CCTV i a langh ning ahcun Leeding (nungak) nih hin a fenerh (skirt) cu aa hlim riangmang i a tlangval pa Quinn phei ah cun a tthu cuticun a cung, a tang, tiin a cawlcang tiah The Chronicle nih cun a langhter. “Security pa a chuah le cangka Quinn nih cun a chiattha cu a chuah colh i Leeding nih aa hrukmi fenerh tang ahcun a sawh colh” tiah police Francis nih cun an cawlcangh ning konghe pehtlai in a chim. Security nih an va fuh hna tikah rian rang ngai in an rak i fimtawl manh ve ko tiah an chimchih.
Hi an thil tuahmi konghe pehtlai in Leeding le Quinn hna i Sihni an laakmi hna nih cun tuah hramhram mi le timhlamhnak ttha tein i ngeihmi a si hrimhrim lo, mino te an si caah an thisa nih a rak celh ti lo i tubantuk in i sum kho ti loin an cawlcangh hi a si ko tiah kaphnih Sihni nih cun an phisin piak hna. Hi thil an tuahmi konghe Biaceih Zung Sihni nih cun “hi thil nan tuahmi hi ttihzahnak pakhat hmanh a ngei lomi ruahnak le lunput a si, pumpak lawng nih tuah dingmi ah mipi hmunhma nan laak riangmang hi cu” tiin a ti hna.
Cuticun an pahnih cun thiam lo 22 July ah khan an coter hna i, Suimilam 60 chung thong an thlak hna nain sualnak belte zeihmanh an ttialpiak hna lo. Mino thisen tthat lio a si caah ngaihthiam an si tiah an langhter nain hmailei ah tuah tthan ti lo dingin biakamnak min sen belte an thutter hna.
