Related Articles
Timit Kahdohnak Ah CDF-Hakha Sniper Nih SAC Ralkap 3 A Thah Hna: Chin ramkulh khualipi Hakha pawng Timit kahdohnak ah SAC ralkap pawl cu Chin hriamtlai phu nih an kah hna, tiah theih a si. Cu kahdohnak ah cun CDF-Hakha sniper nih ralkap 3 a thah hna pinah seh meithal (Machine Gun) tlaitu pa zong an thah caah ralkap cu um awk hngal loin an tuah hna.
Chin hriamtlai lei in a thimi le aa hliammi an um lo, tiah theih a si. Nithum chung kahdohnak cu Hakha Campaign For Justice nih a ti bantukin hin an langhter.
■August 2: Hakha le Thantlang karlak ah kahdohnak voi (2) a cang i Ralhrang lei hliamh an si.
■August 3: Chun ni tlak i kahdoh ah kan hmuithiam ‘CDF-Hakha sniper’ nih Ralhrang 3 a thuat hna. Ralhrang lei Machine gun a tlaitu zong hrilh a si caah an con ngai ngai. Rungtlang lei in hriam nganmi in bawmhnak an pek hna. Cu ni ah Ralhrang 4 an thi.
■August 4: Cawbuk Gate ah zing 10:45-11:06 caan karlak ah va kah a si i Ralhrang 1 a thi, 3 hliam an si.
Timit lei cu ‘meter 200’ tluk ihlat lawng in kahdoh an si i Ralhrang 8 an thi. Cun an buk ah va kalhnawh in va kah an si chih caah hliammi an tam ngai ko. Kan hmuithiam ‘Sniper’ nih a hrilhmi hna (1) a fiang, pahnih a fiang rih lo. Rungtlang in le Thantlang lei in hriamngan in bawmhnak an pek hna, tiah CDF-Hakha nih an thanh.
Sangaing Ramṭhen, Walet Peng Bomb Puahkehnak Ah Tualchung Mi 5 An Thi!: Sagaing ramṭhen, Shwebo pengkomh, Walet peng Maukkyo(မောက်ကြိုး) khua le Ayekung khua kar, Mandalat-Shwebo lampi ah nizan August 4 zanlei sang ahkhan bomb puahkehnak a chuak i, a thimi le aa hliammi an um, tiah tualchungmi bawmchantu hna nih an chim. “A thimi hi pa 5 an si, cu chung ah pakhat cu kum 15 hrawng a si i, a phei a bul. A thimi hna hi Hlataw le Duntwe khuami an si. Bomb a puahtu hi zei bantuk phu dah an si hngalh khawh a si rih lo,” tiah bawmchantu pakhat nih a chim.
Mandalay-Shwebo lampi ah a luancia kum October thla in atu August 5 tiang ah hin bomb puahnak voi 31 a um cang. Cu bomb puahnak ah khualtlawng phormi motor ngan 9, thilphor motor 7, le civil motor 4, phungki motor 2 an rawk. Cu pinah minung 4 an thi i, 20 leng bomb hma in an rak i hliam, tiah theih a si.
Monywa-Mandalay Lampi Ah SAC Ralkap Motor Drone In Kah An Ton Caah Ralkap 10 Hrawng An Thi: Monywa-Mandalay lampi ah SAC ralkap motor run cu August 2 zanlei ah Myaing hriamtlai(T.G.R) nih drone in bomb an thlak caah ralbawi pakhat telh in ralkap 10 hrawng an thi, tiah T.G.R phu in Bo Taik Gar nih a chim. A voikhatnak bomb kan thlak hi zanlei sml 3:28 hrawng ah a si. Sagaing in a rak kaimi SAC ralkap motor 36 chung ah a pahnihnak motor cu T.G.R Women Drone Froce nih bomb an thlak hna caah ralkap 2 an thi i, 1 hliamhma a pu, tiah ṭuanvo ngeitu nih cun a chim.
A voihnihnak cu zanlei sml 3:40 hrawng ah T.G.R Women Drone Froce nih Monywa- Mandalay lampi ah SAC ralkap motor a dir mi cu an kah hna caah ralbawi pakhat telh in SAC ralkap 10 hrawng an thi. Cu kahdohnak ah cun T.G.R Women Drone Froce nih an hruai hna i, Zarmani Guerrilla, Bo Toh Htun(MBTT), Saw Bwar Gyi (MBTT) phu hna i bawm in an kah hna, tiah theih a si. Credit: The CHin Post
