Related Articles
Nungak senior pawl kan ti lai cu “Pasal ngei cang ca, duhtu hna na tong loh maw? tibantukin kan ti hna awk a si lo. Zeicatiah anmah le tawk tein an i kawl ve ko. Duhtu, helhtu zong an ngei nain thil sining an zoh tikah an lung nih a duh taktak mi pasal tlak an i hmuh rih lo ruangah a si. An nungak caan a sauh tikah an lung a fim i tleirawl bantukin duh paoh in an cawlcang ngam lo. Mit lawngin pasal an kawl lo i thinlung um ek in pasal ding an kawl tawn caah an nungak caan a sauhnak a si. Tahfung ah an hman tawn mi hna cu.
1. Pa muidawh deuhmi an hmuh hna tikah an mit in cun an zoh ko hna nain, an vun hlathlai hna tikah pa muidawh hi an thluak a ttha lem lo, ti an hmuh tikah pasal dingah an ngamh ttheu tawn hna lo.
2. Pa thluak ttha ngaimi an hmuh hna tikah pasal ca ding bakah an vun neihniam ngai hna nain pa thluak ttha mi pawl hi a tlangpi in an zei(lee) lem loh, molh chupchap in an um ruangah nupi le dawt zong an thiam lai lo ti an zumh i an liam tak ttheu lengmang tawn hna.
3. Pa phaisa ngei ngaimi, inn lei zongah a kawlhawltu deuh tiah a lang tawn mi hna zong an hmuh tik hna ah an ruahning a rak si hoi tthan lo, cubantuk pa zong cu a tlangpi in mui lei ah an rak chambau deuh hoi, a mumal lo mi deuh an rak si hna i pasal dingah an rak tlak taktak hoi lo, an ti.
4. Rian ttuan lei ah a teima ngai mi pa an vun ton tthan hna i pasal dingah an lungthli tein an duh ziar hna nain, cubantuk pa pawl zong cu mah le nupi/nungak an ngaihsak hna lo, rian lawnglawng ah aa pumpe mi an si i pasal ahhin nei hna sihlaw ngaihchiatnak kan tawn tikah nupi le ngaihsak thiam lo mi an si fawn tikah pasal dingah an huhphurh ngai tthan hna ti si.
5. Duhdawtnak leiah aa pe kho ngaimi pa an hmuh hna i duhdawt an vun timh ve hna nain, cubantuk pa cu a tlangpi in duhdawtnak an ngeih tuk ruangah duhmi an ngei tam ttheu tawn i an nungak le hlun pawl hi a thli tein pehtlaihnak an rak tuah peng tawn hna ruangah pasal tlakah an ruat hna lo.
6. Pa tangdor ngaimi, tlawmngai ngaimi le nun ning cang a ttha ngaimi an hmuh hna i asinain cubantuk pa zong cu a tlangpi in phaisa kawl an thiam lo ngai tikah nupi le cawm kho ding pasal dingah an chuak ttheu tawn lo. Mah le sifah retheih pinah retheih tthan ding cu ti’n an ngamh lo ruangah cubantuk pa zong neih an ngamh hna lo.
7. Mah le rian ah a tlamtlinh kho pengmi, pa mifelfai an hmuh ttheu ko hna nain cubantuk pa zong cu duddawtnak lei an an rak tlacham deuh ve i an romantic lem lo, an zei(le) lo tikah duh/uar tlak le pasal tlak ah an ruat lem hna lo.
8. Pa fim ngaimi, cawnnak lei zongah a sang ngai mi zong an hmuh ko hna nain cubantuk pa zong cu zeitik caan paoh ah nawlngeihnak an duh, zei paoh hi an theih dih bang khin an i fim ter, keimah in bia dong seh ti khi an i cuh peng fawn. Pasal ca i vun neih ngaingai ding ahcun an kut tangah sal bang kun peng ahauh lai caah nungak senior nih cun cubantuk ziaza pawl cu an chei kho ruam lo.
9. Ca thiam lo, ca zong a rel bal lo mi le cawnnak zong zei ah a rel lem lo mi pa an hmuh hna i pasal caah duh/uar hna hmanhsehlaw cubantuk pa zong a tlangpi in nun cawnpiak khawh lo, biarawnh khawh lo, thil le ka thei ngai an ti fawn dik lo nak van chimh tikah thinhung peng ruangah nupa karlak a nuam kho lo ti an theih i pasal dingah sorry an ti ttheu lengmang hna nak cu a si.
10. Pa fim ngaimi, thil um tining zong a tlaithiam kho ngaimi an tong ve ttheu tawn ko nain cubantuk pa zong mi hlen an thiam ngai i lih chim hi an i harh lo tuk ti fiang tein an hmuh hna. Cubantuk pasal nei hmanhsehlaw, thinlung thabaa in kan um lai, ti an i theih ruangah an nei/vaa ngam tawn hna lo.
11. Pa piangthar ngaimi, Biaknak lei zongah amah ti tawn mi cu pasal tlakah an hmuh ttheu tawn hna. Asinain hibantuk pa pawl hi ttha tein zoh tikah inn lei i zei si lem lo, phaisa lei zongah hmuh mi ngei lem lo mi le chungkhar i cawm chom mi lawngte an si deuh ngawt. Cubantuk pa cu pasal ah nei hna hmanhsihlaw sifah retheihnak dah ti lo zei hmanh chuahpi mi an ngei lai lo ti an theih ruangah pasal tlakah an ruat ngam hna lo.
