Related Articles
Video nih a langhterning ah nu pakhat cu Dalaan (ralhraang sin ah thawngpetu) a si tiin minung pa nga nih a hngawng an tan lio video cu Kawlram chung Telegram timi social media app pakhat ah tuhi a laar taktak lio a si tiah Chindwin News Agency nih cun a langhter.
An tlaih lio video chung i a langh ning ahcun a hngawng tan tu hna minung pa nga hi tualchung hriamtlai phu an si tiah tthenkhat nih an chim. Cu minung pa nga nih cun Dalaan a si le si lo biahalnak an tuah i nu pakhat nih ka si lo minung nan i palh i a si lai tiin a tlaitu minung pa nga cu bialehnak a tuah hna tiah Chindwin nih a langhter.
Cu tlawmpal mit tthep lo kar te ah pa pakhat nih cun a hngawng cu a tlaih i nam in a ah colh cun pakhat nih a paw ah a sawh colh ve, hi nu Dalaan tiah zumhmi nih hin a duhmi bia hmanh a chim thlu manh lo tiah an langhter chih. Hi tuksapur thahnak konghe pehtlai in a hmun le hma siseh a thattu hna hi mizeibantuk phu dah an si timi biafiang langhter a si rih lo tiah Chindwin News Agency nih cun a langhter.
SAC Nih Uknak An Lak Thla 19 Chung Ah Karenni Ramkulh in Tualchung mi 300 Leng Nunnak A Liam! SAC ralkap nih uknak an lak thla 19 chung ah Karenni ramkulh chung in tualchung mi 322 an nunnak a liam cang, tiah Progressive Karenni People Force (PKPF) nih nihin September 1 ah cathanh an chuah. Nunnak a liammi tualchung mi 322 chung ah cheukhat cu kahdohnak ruangah nunnak a liammi zong an um i, SAC ralkap hremnak ah a thimi le thahmi hna hi minung 261 an si. Ralzaamnak hmun ah minung 61 an nunnak a liam, tiah theih a si.
Ralzaamnak hmun ah nunnak a liammi 61 chung ah hin kum upa cangmi hna le ngakchia an tam i, sii-ai le eidin donghcah ruang ah nunnak liammi an tam, tiah theih a si. Karenni ramkulh chung ah uknak lak hnu in mah umnak kaltak in ralzaam dirhmun a phanmi sing 2 leng an phan. Ralzaam dihlak i 65% cu caan karlak sakhan ah an i dor chung hna i, a tam deuh cu bawmh chom dirhmun in khuasa an si caah, eidin lei ah harnak an tong tawn, tiah ralzaam bawmtu hna nih an chim.
SAC ralkap nih uknak an lak thla 19 chung ah, Karenni ramkulh chung ah Biakinn 25 le inn 1180 cu SAC ralkap nih an khangh piak hna. Kahdohnak voi 454 a chuak i, SAC nih vanlei kahdohnak voi 158 tiang an tuah. Kahdohnak ruang ah tualchung hriamtlai phu hna le tlangcung hriamtlai phu in ralkap 151 an nunnak a liam. SAC ralkap lei in ralkap 1499 an thi, tiah PKPF nih an langhter.
