Related Articles
Kawlram i mirum bak a si vemi Billionaire U Kyauk Taung nih a fanu cu Social Media ah pasal ngei dingin kan peek hna tiah Chindwin News Agency nih cun a langhterning a si. Khat lei kam cun a fanu hi Social Media chungah zuar he aa khat ko.
U Kyauk Taung hi Rakhine State, Myanmar ram ah cun a rumbikmi a si tiah langhter a si. Social Media ah cun ka fanu hi va ngeih a zat cang caah a pasal dingah aa tlakmi paoh nih cun rak fuh dingin nawl kan pek hna tiah a langhter cu a si. Mr Kyauk Taung hi Kawlram ah Billionaire pakhat a si ve. Kawlram chung zongah company tam ngai a ngeitu a si i a tu khua a saknak hi Myanram ramchung Rakhine State Taunggok town ah a si.
“Ka fanu hi hlaithiam lei doctor (surgeon) a si, a min ah Hay Man Oo a si i pasal ngei dingin ready a si cang. Ka fanu cu va chawnbia ulaw duhnak thinlung a ngeih a si ahcun ka sin ah rak ra uh” tiah mirum Billionaire Kyauk Taung nih cun social media hmang in a tarlanghning cu a si.
Mr Kyauk Taung hi a sining he pehtlai in an theihning ah, Htarwara Uang Maye Public Co.Ltd i chairman zong a si cun Nay La Thitsar Construction Group le Myanmar Kyauk Phyu Special Economic Zone Holding Public Company Limited zongah Vice Chairman zong a si fawn. Rakhine State ah cun a rumbik tiah langhter a si tiin Chindwin News Agency nih a langhter.
