Related Articles
A pasal nih cun a nupi le pa pakhat an it tti ti a theih le cangka pa pakhat cu a zuanhnawh colh. CCTV nih a langhter ning ahcun a pasal cu thinhung taktakin pa pakhat cu a nupi he an ihkhun ah an rak ih tti cu a hmuh hna le cangka a zuanhnawh colh hna. A pasal hi US ram, Alabama ah khuasa a si tiah theih a si, mi a si i a nupi nih a rak ihpi mi pa pakhat cu ihkhun cung cun a zuanhnawh i a thlak. Cu le cangka a nupi nih pasal bantuk ah aa hmanmi cu a luu ah voi tam ngai a thongh.
A pasal cu a thinhun tuk ve tikah voitam lakte cu a thongh chih len. Pa pakhat hi t-shirt le bawngbi tawi he lawng a rak it. Cu ti zualhma ngaiin an van buai tikah a nupi nih cun a pasal cu maak ding a tlaih chih, cu ti a nupi nih a aukhuan hnu ko zong ahcun a pasal cu daih aa tim hlei lo. Pa pakhat zong nih cun heh tiah leh i tthuat ve aa tim len nain a pasal thinhunnak cu a linsat ngaingai caah pa pakhat nih cun a let kho ve ruam lo. Hi ti an buai lio Video cu December 27 ah khan LiveLeak timi website ah an post i an post le cangka tlawmpal ah 400,000 tluk nih an zoh manh. Tthenkhat a zohmi chungin ziah a nupi tu zeihmanh biahalnak ngeih ta loin pa pakhat cu a zuanhnawh len hnga tiah an comment ve. A sual lo mi tu zuanhnawh in a sualmitu a thlah ko khi ai palh taktak si ti hna in comment tu an tam ngai.
Cu ti an nupi pa karlak buainak lian taktak a chuah hnu le cangka cun Alabama ah khuasa a pasal nih cun a nupi he i tthen dingin nawlnak a tuah colh. A chim mi cu “Zaangfahnak tein tthennak nawl rak ka pe, hibantuk thil hi cu ka tuar zuam/huam cawk ti lo. Zaa bak cang seh, na cung i ka lungsauhnak cu a dih cang. Ka fanu hi ka dawt i cucu kei ka caah a biapi bikmi thil a si ko” tiah tthen a duhnak kong he pehtlai cun cuticun a chim. Source: Express
