Related Articles
Kawlram chungah minthang le sexy model pakhat a simi Thin Zar Wint Kyaw cu Kawl Ralhraang nih kum 6 thongthlak dingin Yangon khuapi ah biachahnak an ngei cang tiah Chindwin News Agency nih a langhter.
Hi konghe pehtlai in model Nang Mwe San zong a tlawmbik kum 6 thongthlak dingin September 29, 2022 ah biachahnak an ngeihpiak ve cang tiah theih a si. Hi hna pahnih hi Kawl ralhraang nih an langhterning a si ahcun online chungah sexy hmanthlak le video in phaisa an kawl tiah theih a si i Kawl miphun kan nunphung a kan hrawk tiah thong kan thlak hi a si tiin Chindwin nih cun a langhter.
Model Thin Zar Wint Kyaw thong an thlaknak konghe pehtlai in thawngpang fiang taktak a si le si lo fehternak kan tuah kho lo tiah an chim i Thin Zar Wint Kyaw le a rianttuan hawile hna zong tutiang kan pehtlai kho rih hna lo tiah Chindwin News Agency nih a langhter ning a si.
Thawngdang Relchih: Ram Buai Hnu In Pawcawmnak Caah Caw, Naa Mizoram Ah A Zuarmi An Tam! Myanmar ram ah Min Aung Hlaing nih uknak a lak hnu in thilman a kai i riantuan ding a um lo ruangah pawcawmnak caah Mizoram ah Caw le Naa a zuarmi an tam tiah theih a si. Caw le Naa zuartu pakhat nih cun,” Uknak lak hnu in thilman a kaituk, kannih Chin ram ah hin a hleiin thilman a kaikhun, cun a hlan bantuk in phaisa hlawhnak zong a um ti lo, cucaah Kawl Caw hi tambik kan lak i Naa hi cu kanmah Chin ram chung satil kan lak iI Mizoram a kan va zuar,” tiah The Chin Post ah a chim.
“A caan ah cun phaisa thlen a tum kai a fah tuk ah hin kan sungh caan zong a tampi, zei riantuan awk a um lo tuk caah vansan ah kan zuar, uknak lak hnu cu pawcawmnak caah hin kan lungre lawng a thei ko,” tiah a chim chap. Ralkap nih hranhram in uknak lak hnu ah hin a bik in Chinram chung ah riantuan ding a har i, Mizoram ah Caw le Naa a zuarmi hi nikhat hnu nikhat an karh, a zuar tawntu hi phu li nga an um i a buaktlakin phukhat nih Caw 40 an hruai tiah theih a si. Mizoram chungah an va zuar tik zongah zuar a har ngai tawn i voikhat an kal ah hin caan sau ngai an rau tawn.
