Related Articles
Vawleicung huap in siseh, a bikin India ram le bang ahcun Film star ah no.1 bak a si ve tawnmi Amir Khan i miharsa/misifak hna bawmhnak a peekning hna cu khuaruah har ngaingai a si. An theih/hngalh hlaan ahcun mirum pi nih tiin an soisel taktak nain an i fian hnu cun daidep in aw a si tak hi teh tiah arko in a chiah hna.
Kum 2021 lio ah khan India ram hi Covid-19 pulrai nih a rak tlunh ve ciammam i India rampi cu a rak i chawhsual dengmang khah. A zawmi cu chim hlah a thimi hmanh hi rel cawk lo an si i, i phumnak thlan siseh i khanghnak tiang hmanh kha rak i deih a si loh cutluk cun a rak zualhma ngaingai. India rampi cu sii-ai lei ah no. 1, a thiam bak an timi kha a si ve nain awlokchong in acozah cu a tuah ko hna. Kha lio ah khan Laimi chung zongin a thimi kan rak um hna.
Cu he pehtlai in Film Star asimi Amir Khan nih hin India ramchung New Delhi i a harsa taktakmi umnak hmun ah changvut (a thaw lem lomi) kha ka phawtzamh ve hna lai tiah thawngthanhnak a rak tuah. A tam tuk caah a mikip nih laak khawh cio a si tiah a rak chim. Asinain khi tluk India ramchung ah mirum pakhat a si vemi nih khibantuk ttukttak hna phawtzamh cu aw tiah an rak soisel taktak i tthenkhat hna cu a laa duh lomi hna an rak um tiah theih a si.
Hmanhsehlaw cu changvut chung ah cun India phaisa Rs 15000 bak a rak chiah diam ko ai, cu chang a laami vialte cu an rak i lawm tuk tiah theih a si. Cu lio i a rak laa duh ve lomi hna nih cun i chir ngai in ziah hibantuk thil hi na tuah tiah an rak hal chih. A lehmi hna cu mipi thinlung a suk taktak “a herh taktakmi lawng nih tingco ve hna seh” ti ka duh caah a si ti’n a leh hna.
