Related Articles
Kan Chin ralbawi Colonel Solomon Thang Ding cu a thi tiah Kawl ralkap nih thawng diklo an thanh. Hi thawngpang konghe pehtlai in thawng dik lo a sinak cu Chindwin News Agency nih a langhter i, CNA Ralbawi Solomon cu a dam ko tiah fehternak a tuah.
Kawl ralkap nih cun anmah hmanmi Telegram messaging apps pakhat ah Chin National Army (CNA) ralbawi Colonel Solomon Thang Ding cu Chin State ah rulcuknak in a nunnak a liam tiah thawng dik lo cu an rak thehdarh tiah theih a si. Chindwin News Agency zong nih hlathlainak ttha te an ngeih hnu ah a tubantuk in kan CNA ralbawi Solomon cu a dam i, rul zong nih a cu lo tiah fehternak a tuahnak hi a si.
SAC Ralkap Helicopter Kan Kah Tiah Chin Defense Force – Kanpetlet Nih A Thanh: Nihin October 16, ah thazaang ding in a ra mi SAC ralkap helicopter 2 cu, cung a zuannak hmun ah hriamhme in kan kah hna tiah Chin Defense Force – Kanpetlet nih an thanh. Cu kan kahdohnak ruang ah SAC ralkap helicopter 2 chung in pakhat cu a petrol umnak kan khen leng ah fan(pan-ka) pakhat a kiak, minung hliam an tuar le tuarlo kong ah fiang in theih a si rihlo tiah an langhter.
Kanpetlet peng Kyindwe(ကျင်ဒွေး) sakhan ah October 15 ah helicopter 2 in minung thazaang 30 leng a chap tiah theih a si. A tu ah SAC ralkap hna nih Kanpetlet pengchung ah lam phunkip in minung thazaang chapnak an tuah i rallam sialnak zong an tuah chih khawhmi a si caah mizapi nih um/kal ah ralrinnak ngeihcio ding in Chin Defense Force – Kanpetlet nih cathanh an chuah tiah theih a si.
Bilin Ah SAC Ralkap Motor Ruun Bomb Puah An Tong, 10 An Thi: Tanintharyi ramṭhen, Launglon pengchung Kathaungni(ကထောင်းနီရွာ) khua lampi ah hriamtlai pyusawhṭi phu chungtel pakhat simi Htun Naing cu October 15, zaanlei suimilam 5:00 hrawng ah tualchung hriamtlai phu nih an kah caah a thi tiah Launglon PDF nih an chim. A thimi pyusawhṭi sin in meithal pakhat, tuknak fung pakhat, WY rithaisi tlang 24, phome 2 le phaisa 3000ks kan laak tiah LLPDF nih an langhter.
Cun Mon ramkulh, Bilin peng Daukyat(ဒေါက်ရပ်) khua pawngah October 15 chunhnu suimilam 3:30 hrawng ah KyaitHto in Thaton lei ah a kalmi SAC ralkap motor ruun 14 cu KLNLA phufonh noh bomb puahhnawh in an kahdoh hna caah SAC ralkap 10 nak tlawmlo an thi tiah theih a si.
