Related Articles
Chin miphun nih kan tonmi thil cu lung a faak i ngaih a chia hringhran ko, Chin miphun a simi Mr Biak Cin Sang cu a luancia thlahnih ah khan SAC Ralkap nih an rak tlaih i thong ah an thlak, Kalaymyo thonginn ah a si i an hrem, an tukvelhnak ah a nunnak tiang a liam tiah Chindwin News Agency nih a langhter.
Hi Biak Cin Sang hi a luancia thlahnih ah khan Kawl ralhraang nih an rak tlaih cangmi a si tiah Chindwin nih cun a langhter i Kalaymyo thonginn ah an rak chiah, hi an tlaihnak konghe pehtlai in Kawl ralkap nih cun People Defence Force-Kalay (PDF-Kalay) chungtal pakhat a si caah kan tlaihmi a si tiin SAC ralkap nih cun an langhter. Thonginn chungah tuarkhawh lo tiang le inkhawh lo tiangin an hrem, an tuk, an velh tikah tubantukin a nunnak tiang a liam hi a si tiah Chindwin nih cun a langhterning a si.
Hi Biak Cin Sang an tlaihnak kong le an thahnak konghe pehtlai in People Defence Force-Kalay zong nih lehnak statement zeihmanh atutiang an chuah rih lo. Hi thawngpang konghe pehpar in Chindwin nih a chimning ahcun Kawl ralkap nih tualchung minung pakhat khat an tlaih tikah mipi lei in cun zeibantuk thiamnak/dinnak hmanh an pe bal hna lo i tlaih a tongmi mipi tu nih hin an tuar zungzal ko tiah a chim.
Thawngdang Relchih: Lamcung pawl ah mipi sin in tangka hal lo ding tiah CNO/CNDF nih a thanh Chin ramkulh, Falam peng ramri chung le zeibantuk lam cung hmanh ah mipi sin in tangka hal lo ding le laksawng cohlan bak lo ding in a ralkap pawl kha CNO/CNDF nih nawl a pek hna. CNO/CNDF min bunh in tangka halnak pawl a um caah atu bantuk in theihternak a tuah hi a si. Kalay-Tedim-Tio tiva hna ah CNO/CNDF nih hmunhma a laknak a um lo bantuk in mipi sin zong in tangka kan hal bal lo, asinain CNO/CNDF min bunh in tangka an hal tiah mipi sin in kan theih tiah an langhter.
Falam peng chung kahdohnak, Uknak, fimcawnnak, ngandamnak le ngunkhuai laknak kong vialte cu CNO/CNDF nih a tawlrel dih caah atu bantuk in mipi sin in tangka halnak hna hi phunglut lo a si caah CNO/CNDF min a hrawktu hna nih nan inn ṭhan lai tiah a thanh. CNO/CNDF nih Falam peng ramri chung le a cawlcanghnak lam pawl ah mipi sin in tangka halnak le laksawng pawl cohlannak tuah bak lo ding in nawl a chuah. Mipi nih dawtnak in an rak putmi laksawng pawl hmanh kha hruaitu sin thawngthanh hnu lawng ah ṭha tein nan cohlan lai tiah a thanh.
Cucaah lamcung ah hmunhman kan lak hnu thok in atutiang mipi sin in ngunkhuai le zeibantuk tangka hmanh kan hal hna lo tiah a thanh.
