Related Articles
Playboy model pakhat a simi Elizabeth Marie Chevalier nih cun ka sexy nak le kaa dawhnak nih tlangval (partner) an ka tonter kho lo tiah a chim. Elizabeth Marie Chevalier hi Playboy model a laar ngaingaimi pakhat a si i, San Diego ah khuasa mi a si, kum 27 tluk minung a si i pe 5 le letmah 10 bak a sangmi nu a si.
Hi model nih a chim ning ahcun “Tlangval he chuahvah hi ka caah cun a har ngaingai zeicatiah kaa dawhnak nih hin pa tam deuh caah ttihphannak a chuahter” tiah kum 27 model a simi nih cun Jam Press interview ah a chim. Hi model mui dawh taktak nu nih a chim ning ahcun kaa dawhnak le ka saan nak nih hin pa an ka tonter kho lo, nain mi uah ka si lo i mi nunnem cu ka si ko tiah a langhter. Caan peek in theihhngalh an ka duh ahcun zeitluk in dah ka thlum le dawtnak zeiltuk in dah ka ngeih timi hi an theih khawh ko lai tiah a pehchap.
Tlangval tthenkhat he kan leen kan vah caan zongah a ka chawnbia ngam lomi tampi an um a ti. Hmunkhat ah kal tti komi an ka chawnhbiak ngam lo hi cu an mak ngaingai ka ti zeibantuk ruahnak dek an ngeih tawn hna hnga ti tiang zong a chim. Hi playbol model hi tu lio Social media ah a laar ngaingaimi le minthang hna nih an hman taktakmi Instagram ah Followers 2.9 millions tiang bak a ngei ve. Mi tam deuh ka kawmhmi hna hi cu an mah hlawknak ding ca lawngah an ka kawmh i a caan ahcun a har ngai tawn cu caah mi sawhsawhte kawmh zong hi 100/100 a poi ah ka chia lo tiah a ti.
Pa nih an ka chawnhbiak caan ah tthenkhat an nungak le hna cu an kan chuh sual lai tiah ka cungah nahchuahnak a ngeimi zong tampi an um, “voikhat le bang cu Halloween party nak ah thuam dawh taktak cun kaa ttammawih ve, ka tthut lio ah pa pakhat nih a rak ka chawnh, cu a ka chawnh lio cu a nungak nu nih a rak ka hmuh i a lau taktak khi a si, cu le cangka ka sin ah a ra i ka hmai bakah a ka aukhuan hnawh leen colh, i sik vuak zuammi ka si lo caah ka chuah taak colh ko hna” tiah Chevalier nih cun a thil tonmi he pehtlai in a chim. Cu caah nu hawi ngeih zong hi ka caah cun thil harsa ngaingai a si tiah a chim, “vantthat ah nu hawi tampi, kum tampi ka sining a ka theimi rel cawk lo ka ngei ve” tiah uangthlar ngai cun a chim.
A saduhthahmi pa zong a chim, tthawng ngai ttungmi nain dai ziar tein a um lai, a saang lai, a nak pah fawn lai nain a dawhmi a si lai i a mit hi a hringmi si lai tiah a duhnak kong zong a chim chih. Pa ahcun zei paoh ah a cawlcaang hmasa lai i a duhnak zong a chim khomi bak hi ka duh ko hna tiah a ti. Hi model nu nih hin kum 2020 ah khan OnlyFans (kum tling lawng nih zohkhawhmi website pakhat) ah a lut ve cu ahcun zarhhnih chung lawngah $20,000 tiang a hmuh manh, cu website cu a chuah taak colh ve. Tukum ah hin a thar in aa tuah tthan tiah Jam Press nih cun a langhter.
