Related Articles
Vawleicung ah hin khuaruahhar siloah a hlunghlaimi thil tampi an um hna, cu lakah aa tel vemi pakhat cu hmantlak hi a si. Tutan kan rak langhtermi hna hi tuanbia a ngeimi hmanthlak lawngte an si hna. Hi hmanthlak chung ah hin thil tampi a um lai, cun hi hmanthlak pawl hi vawleicung ah a um tuanbia a ngeimi hna an si.
1. Avoikhatnak Bik Selfie (mah le mah hman i thlak): A tu kan hman cuahmahmi chan ah hin ti ko usihlaw a mikip nih selfie hi hman cio a si cang, tthenkhat hna nih cun laarnak tiangah a hmangchuak khomi an um. Hi mah le mah hman i thlak (Selfie) timi hi nai te lawngah a chuak tiah na ruahkhawh men asinain Selfie timi hi a hlaanpi khan rak hman cangmi a si, cucu 1800 lio hrawng khan an rak hman cang. A cunglei hmanthlak kan rak langhtermi hi avoikhatnak bik selfie i thlak a si i 1837 lio tan ah khan a si. Robert Cornelius timi pa nih hin a voikhatnak bik selfie hi a rak i thlak. Cu lio ah cun smartphone zong in a si lo i zeibantuk social media websites zongah rak thlah a si lo.
2. Meithal Kuan A Kham Khomi Ttangdomh Test Lio: A cunglei bantuk in kan rak langhtermi hmanthlak hi zoh ko ulaw, zeitluk in dah ttih a nun i thinphaan a va si hnga. Hi hi Protective Garment Corporation of New York timi palik phu nih meithal kuan a kham khomi Ttangdomh an test lio a si. An siammi Kuankhamkho Ttangdomh (bulletproof vest) cu an zumh ngai ko lai nain khat lei ah a kaaptu pa i a ngamhsaan ning khi khuaruahhar taktak a rak si ve. Hi Bulletproof Vest an siam in a voikhatnak bik test an ngeih hi 1923 lio tan ah a si i a cunglei hmanthlak langhter bang khin an i test ning cu a si.
3. Kum 106 Pitar Meithal Aa Tlaih Lio Hmanthlak: Kahdohnak timi ah hin cun a kenkip in thawngpaang chia theih a si tawn. Ram a buai i kahdohnak a chuah tikah nun himnak ca dingah tiin mah le sikhawh tawk cio in rak doh cio a si ve. Cu tikah hi kum 106 tluk a si cangmi Armenia miphun tarnu nih meithal (rifle) pakhat aa tlaih lio hmuh tikah khuaruah a tam lem lo zeicatiah kahdohnak ahcun mahle sikhawh tawk cio in ttan rak laak a si. Hmanhsehlaw hi hmanthlak nih hin mipi tampi thinlung a tongh ngaingai, hi kum rual nih rifle i tlaih riangmang in mah humhimnak ca i ven ko cu ti’n ngaih a chiatter hringhran. Cun khi tluk upa cang nih rifle hman khawh zong cu khat lei kam ah khuaruahhar ngaingai zong a si ve fawn.
4. A Voikhatnak Bik McDonald Dawr: Tu chan ahcun McDonald dawr hi a thei lo kan um lai lo dah, vawleicung kakip ah hmuhkhawh a si cang pinah tu chan ahcun fuhmi le panhmi dawr pakhat ah a si hrimhrim lai. Hmanhsehlaw a voikhatnak bik McDonald dawr an rak on ah hin dawr hme te dawhawh a rak ve ko, McDonald dawr hi a voikhatnak bik an rak on hi San Bernardino, California ah a rak si. A tu ah cun McDonald number 1 Museum dawr ah hman a si cang. Hi nih a langhtermi cu mizei hmanh hi a hme tein an rak i thok cio ko tihi a si.
5. Rambuai Ruangah A Fale A Zuar Hnanak Hmanthlak: Hi hmanthlak hi a hlun ngaingaimi a si cang. Hringtu a nu nih a fale a zuar hna kan ti tikah hringtu a nu palhnak lawngte ah kan chiah khawh ko men hmanhsehlaw cucu a rak si thlu ve lo. Hi thil a can zong hi rambuai le kahdohnak ruang tthiamtthiam ah khan a rak si, kan theih cio bang a hlan lio cu kahdohnak a rak tam cu mu. Cu tikah nun khuasak tintuknak ah a har cang, fale rawlttam le tihal chiah lai phaan a si fawn tikah a cunglei bantuk hmanthlak ah hin hringtu a nih cun a fale 4 cu a zuar hna i pakhat hi a pawi lio a si rih. Hi source nih an langhtermi a dik ko a si ahcun hringtu a nu nih hin kum hnih chungah a zuar khawh hna i a chuak kami a fate zong a zuar chih tiah an langhter.
