Related Articles
Thih Dar: 4.10. 2022, Thantlang Khua ,Siang Inn Sang um mi, Pi Fam Kil-79 (Rev. Dr. Lal Uk ,Dr. Van Lian Hum hna i hringtu an Nu) nih, 4.10.2022 ni ah Sihhmuh khua ah a kan thih tak. Pi Fam Kil te chung hi Thantlang khua in Thangzang khua ah Ralzam in ai dor mi an si . A Ruak hi Sihhmuh khua an vui lai. Tantakmi chungkhar nan dihlak nan ngaihchiat nak kan in tuarpi hna .Pathian nih nan ngaihchiat nak in hnem ko hna seh.
Thawngdang Relchih: Mon Ramkulh, Karen Ramkulh Le Sagaing Ramṭhen Kahdohnak Ah SAC Ralkap 15 An Thi, PDF Ralkap 2 An Nunnak A Liam Ve: Mon ramkulh, Ye peng Khawzar(ခေါဇာ) khua October 3 zanlei sml 5:00 ah Mon ramkulh thlanglei ummi MSDF-S le SAC ralkap Khah Lah Yah 31 kar kahdohnak a chuak i, mins 25 chung hrawng a rau. Cu kahdohnak ah SAC ralkap 3 an thi i MSDF-S ralkap 2 an nunnak an liam ve. Hriamnam kan i thlau tuk caah MSDF-S ralkap hna cu hnu kan kir, tiah cathanh an chuah.
Karen ramkulh, Brigade 6 hmunram Taungni(တောင်နီး) khua pawngah SAC ralkap Khah Mah Yah 104 cu October 1 ah KNLA Battalion sniper nih kan kah hna i, ralkap 1 a thi. Nizaan October 3 ah kan kah ṭhan hna i SAC ralkap 3 an thi chap, tiah Cobra Column nih cathanh an chuah.
Sagaing ramṭhen, Khin U peng ah October 3 zinglei ah Mutein(မူးတိမ်) tiva hlei ummi SAC ralkap pawl cu sentari conghnak inn an sak tiin thawng kan theih caah drone in bomb kan thlahnawh hna i SAC ralkap 8 an thi, tiah Khin U peng thawngpang fianternak phu nih cathanh an chuah.
