Related Articles
State Administration Council (SAC) Ralhraang nih anmah caah pumpak in rian a ttuan i thazaang a chuahmi hna sunlawihnak ah pumpak in minung 40 cu SAC ralhraang he hmunkhat rian an ttuanttinak lawmhnak langhternak ah roca an pek hna tiah Chindwin News Agency nih cun a langhter. Cu minung 40 ahcun Mr Ngun Cung Lian zong aa tel.
Hi mintthatnak (sunlawihnak roca) hi SAC ralhraang nih minung 40 hna cu kanmah caah thazaang a chuah mi le aa pumpe mi an si ti langhternak caah an pekmi hna a si. Hi an pek mi hna chung ah hin Minister of the Russian Ministry of Defence ah lutlai a si mi General Sergi Shoigu zong an pek, Japan in Mr Hideo Wantanabe zong an pek ve cun kanmah Chin miphun chung in misual hna ruahnak a cheutu Mr Ngun Cung Lian zong an pekchih ve tiah Chindwin nih cun a langhterning a si i an dihlak an pek mi hna hi minung 40 an si tiah langhter chih.
Hi an pek mi hna chung ah hin ram dang lei in minung pathum an pek hna, cu hna cu Minister of the Russian Ministry, Deputy Minister of the Russian Ministry of Defence le Mr Hideo Wantanabe hna cu an si, Mr Hideo hi Japan-Myanmar Association ah Chairman a si tiah theih a si. SAC ralhraang nih hi conglawmhnak/sunlawihnak roca an pek mi hna chung ah hin a tambik cu hriam a tlaimi phu an si i cu hna cu DKBA (the Democratic Karen Buddhist Army) hi an si cun a dang hi cu SAC (State Council Administration) ralhraang hna rianttuannak ah ruahnak a cheutu pawl an si.
Hibantuk thawngpang vun theih cu khat lei kam cun lung a faak ziar ko Mr Ngun Cung Lian te hna cu Chin miphun nih bochan mi le pa za kan timi hna an si tik ah ngaih a chia ngai, zeibantuk lungput dah a ngeih hnga tihi ruah lo awk a ttha hrimhrim lo. Chin miphun a kan rawitu a si tiah ti lo awk zong a ttha ti fawn lo, a lung aa thlen zaunak hnga Chin miphun nih kan thlacamnak cio ah telh hna usih.
