Related Articles
Kalay Myo Ah Ngakchia Pakhat Fir Ruang I An Chimhhrinnak Ah An Kut A Luan Sual I A Thi: Sikpar [November] 01 ah kum 12 ngakchia Lian Sian Mung nih tangka sing 10 le sing 5 man tluk a si mi thil a fir tiah sang mi cheukhat nih an tlaih i tukvelh pah in bia an hal. An tukvelhnak ah an kut a luan sual i Lian Sian Mung a nunnak a liam tiah theih a si.
Lian Sian Mung (Kum 12) hi a ngakchiat tein a nu nih a thih taak i a pa nih nupi dang a ngeih ca ah nu-ei he khua a sa mi a si. Sianginn kai aa thok hrawng te hin a hawi le khedan, ball-pen, pedan tibantuk tete fir a rak hmang cang tiah amah a theimi nih an chim. A nu a rak thih lio zong ah hin ni 3 hrawng a rak tlau bal cang tiah aa naihniam mi nih an chim. A pa le a nu-ei zong hi zu din hmangmi an si i Lian Sian Mung hi a tu le tu an velh lengmang ṭheo tiah theih a si.
Covid pulrai ruang ah sianginn khar a vun si in khan sianginn kai duh ti lo in a vakvai i amahnak upa deuh pawl he i kawm in rit-hai sii hman zong a hmang i mi inn boh le fir tiang a hun hmang tiah naihniam nih an chim. Sikpar [Nov.] 01 lio ah inn pakhat a boh i tangka sing 10 le sing 5 man tluk thil a fir tiin sangmi cheukhat nih an tlaih i bia an hal. Tuan i na rak fir mi pawl khoika na chiah, nangmah he aa kawmmi hi ho te pawl dah an si tibantuk bia an hal. Bia an hal lio ah a chim duh lo tik ah thing a hakmi in an tuk. Mah dih hnu ah Zomi Youth Association (ZYA) sin ah an up. ZYA hruaitu pakhat nih Lian Sian Mung hi fir ruang ah voi 3 kan tlaih cang. Ralrin kan pek dih hnu ah kan thlah tawn tiah a chim.
Cu hnu ah thingtan in sml pakhat chung hrawng an tuk hnu ah an kut a luan sual i a hmun ah a thi tiah theih a si. Lian Sian Mung ruak zoh tik ah a pum dihlak tukvelhnak hma lawngte in a khat. Amah a theimi hmanh nih palh dih ding tiang in a mui hi a rawk tiah Zalen nih a ṭial. Credit: CCNC
