Related Articles
“Ka Nu Rak Ka Chanh Law, Dohthlennak Sung Ko seh” Tiah An Au Ter I PDF Ralkap Pakhat Cu SAC Ralhrang Hna Nih An Hrem: Kum 19 hrawng a si mi PDF ralkap pakhat cu SAC ralhrang hna nih an tlaih i an hremnak video cu CDF-KKG nih nihin Dipa 13 ah an langhter.
Mah video chung ah cun “Ka Nu rak ka chanh law”(Aung San Suh Kyi an ti duhnak a si men lai tiah ruahdamh) “Dohthlennak Sung Ko Seh(အရေးတော်ပုံကျရှုံးပါစေ)” tiah an au ter i an hremnak hmuh khawh a si. “Hrem a tuarmi PDF ralkap Naing Win Myint(နိုင်ဝင်းမြင့်) timi pa cu a hmai a phing dih i a mit, a ka le a hnar hna in thi an chuah len hmuhkhawh a si i PDF in tiah a chimmi zong a phindih cang ca ah a bia fiang in theih khawh a si lo.
An hremmi ralkap pa cu “Far pa zei zat na ngeih?” an ti i Panga a ngeih nak kong a chim hnu ah SAC ralhrang hna nih cun kan sualpi hna lai tiah an i hrocer len. Mah video file cu tukum Biangreithlep(May) thla ah Kalaymyo Shia Phu(ရှားဖိုး) khua kahdohnak ah SAC ralkap sin in an lakmi phone chung ah CDF-KKG nih an hmuh mi a si tiah theih a si. Video zoh a duhmi nih CDF-KKG Telegram ah zohkhawh a si.
A Dang Relchih: Thla 9 Chung Ah Thailand Ram I Phung Ning Lo In A Lutmi Myanmar Ram Mi 2000 Leeng Myanmar Ram Ah Kuat Ṭhan An Si. Thla 9 chung (2022, March-December 9 tiang) ah Thailand ram ah phungning lo in a lut i Myanmar ram ah rak kuat ṭhanmi minung 2030 an phan cang tiah theih a si. Kuli rianṭuanding in phungning lo in a lutmi hna cu Thailand ralkap hna nih an tlaih hna hnu ah thla khat ah voi 2 lengmang Myanmar ram ah kuat an si tiah mibawmchantu pakhat sin in theih a si.
Thlakhat ah minung 200 hrawng lengmang kirh an si. Cheukhat cu Thailand ralkap nih an kuat ṭhan hna nain phungning lo in puaisa sin in Thailand ram ah a lut ṭhan mi zong an um tiah theih a si. Credit: Chin Cable Networks Channel
