Related Articles
Model minthang pakhat a simi cu a hnuk Kg 10 tluk te ritmi a ngeih caah vanlawng ah i cit ve an sianh lo i an ttumter tthan tiah Daily News nih cun a tarlangh ning a si.
Canada ram, Toronto khuapi ah khuasami a si i kum 25 tluk te lawng a si rihmi model Mary Magdalene cu May 31 ah khan Canada in USA, Dallas khuapi lei panh dingin Airport ah a kal. Vanlawng ticket man hi Canada phaisa CAD 4000 in a cawk asinain vanlawng chung a kai tikah vanlawng chung rianttuantu hna nih an sianh lo i an ttumter tthan. Amah nih cun vanlawng chung in an ttumternak a ruang kha earphone a rak i bunh caah zeihmanh a rak thei lo, vanlawng security lei nih zeimaw thil hlathlai an duhmi an um caah an ttumtermi ka si ti’n an rak i ruah.
Nain a taktak ngaingai tiah cun a muichiat tuk ruang le a hnuk lianh tuk ruangah a si tiah an chim cio. Mary Magdalene hi vanlawng chung a kai hlan ah Airport i bathroom ah hmanthlak turu taktak in a rak i la manh. A hnuk lianhning le a hmur chahning le a tawttawk ngan ning tibantuk cu ningzahnak pakhat hmanh ngei lo bakin Airport bathroom ah cun heh tiah a rak i laa chih. Anih hi Instagram ah hin Follower ting khat renglo bak a ngeimi a si ve i cu hman aa thlakmi cu Instagram ah cun a post leen.
Vanlawng in an ttumter lio ah vanlawng chung i rianttuantu pawl cu a hro chih leen hna tiah a chimtu an um. Mary Magdelene nih hin a hnuk lianhter dingah US dollar 150,000 tluk dih in plastic surgery aa tuahmi a si i a hmur le a khabe zong hi plastic surgery aa tuah tiah theih a si.
