Related Articles
Hibantuk thawngpang van theih cu a nuam lo hringhran, a tubantuk thawng hi a dik ko a si ahcun SAC ralhraang van tei cu har ngai dawh a lo pin ah a dangdang hriamtlai phu zong nih an i cawn ve sual lai timi zong phaan a um taktakmi a si. PDF (People Defence Forces) in minung 14 bak nih SAC ralhraang sin ah an i ap tiah Chindwin News Agency nih cun a langhter.
People Defence Force member chung in minung 14 bak nih SAC ralhraang sin ah i apnak (surrender) an tuah tiah theih a si. Hi minung 14, SAC ralhraang sin ah aa apmi hna hi ram tang ah training zong ttha tein a lim cangmi hna an si tiah Chindwin nih cun a langhter. Hi minung 14 nih hin zeibantuk sualnak hmanh an tuah lo tiah ralhraang lei nih an langhter i cucu nihin cawn nithum, Yangon khuapi ah cohlannak puai zong tlamtling tein an tuah theih theih a si.
Hi minung 14 chung ah hin nu pahnih an i tel tiah SAC ralhraang lei nih cun thawngthanhnak/langhternak zong an tuah cang. Hi minung 14 hna caah ttha tein donnak/cohlannak zong SAC ralhraang nih an ngeihmi innpi (hall) pakhat ah an ngei tiah langhternak an tuah. Hi chungah hin ralhraang Chief of the Yangon zong sawm a si i aa tel ve tiah theih a si.
Hi thawngpang he pehtlai in tu thla January tiang ah hin People Defence Force member chung in minung zeimawzat nih i apnak an tuah cang tiah theih a si. An i apnak hi zeidang si loin ralhraang dohnak ding caah hriamnam chanbau tuk caah a si bik ko tiah an langhter chap.
