Related Articles
Breaking: Tuhi kan Chin ralkap CNA/F hmunkhuarnak Victoria camp pi cu ralhraang nih an kah cuahmah lio a si cang. Hi thawngpang na theih le cangka na umnak hmun in thla rak cam colh. Tuhi ralhraang vanlawng pa nga nih a kah cuahmah lio a si.
Victoria camp pawng Farkawn khua um tthenkhat ralzaam zong nih thawngpang an fehter cang i, bomb a puak ko tiah an chim. Bomb puah thawng an than tuk caah kan lau cio, a rannak in leng ah kan chuak dih tiah thawng kan theih. A si khawh chung in thlacam hna usih, kan ralkap an him dihnak hnga le Pathian kutcak ai phuannak hnga thlacam cio hna usih.
The Chin Post zong nih tihin a langhter cang “Chin ralkap Headquarter Camp Victoria cu SAC nih vanlawng in a kah cuahmah lio asi. Chin Reserve (CR) umnak tlang le Party pawl umnak tlang hi a tutiang an kahnak hmun kan hngalh khawh mi asi. Chin mi vialte nih a nung Kan Biak Pathian sin ah thlacam cio hna sih” tihin an langhterning a si.
Thawngpang Dang Relchap: Kalay PDF Nih Kalaymyo Khua Chungah SAC Ralkap 3 An Thah Hna, SAC Ralkap Nih Tualchung Mi Pakhat An Kah Thah: Kalaymyo Tahan sang ah kahdohnak voihnih kan tuah i SAC ralkap 3 kan thah hna, SAC ralkap nih duh paoh in meithal an thlah caah tualchung mi pakhat a nunnak a liam, tiah January 9 ah Kalay PDF nih cathanh an chuah.
Tahan sang Duwaichaung(ဒိုးဝိုင်းချောင်း) lam ah January 9 zinglei sml 7:30 hrawng ah ralven dingin a kalmi SAC ralkap pawl cu Kalay khua chungah a cawlcang mi Operation MoMo phu nih bomb an rak hmanhmi in an puahhnawh hna caah SAC ral 3 nak tlawm lo an thi. Cu hnuah minutes 10 chung hrawng duh paoh in meithal an thlah, tiah theih a si.
Cu ṭhiamṭhiam in zing sml 11:00 hrawngah Tahan sang Wesley sii-inn lam kam ah umhmun a khuarmi SAC ralkap sakhan cu, Kalay PDF, khua chungah a cawlcang mi hna nih an va kah i SAC ralkap a thimi le aa hliammi an um le um lo cu theih a si rih lo. Cu hnuah SAC ralkap nih duh paoh in meithal an thlah caah tualchung mi pakhat a nunnak a liam, tiah theih a si.
