Related Articles
Rev Tluang Hre hi upat lo awk a ttha lo: Suit le Necktie he Khuapi chungah, a himnak hmun ah rumra ngei taktak in le nuam taktak in a tthudir kho mi a si ko nain, Miphun a dawt ruang ah, Chin miphun zalennak caah nunnak le thisen a thap mi kan ralkap pasaltha le nusaltha hna lak ah a luancia kum tampi in nihin tiang lungthul lo tein a thudir tu kan pastor hi upat lo awk a tha lo.
Chin Miphun nih kan ton cuahmah mi raldohnak hi a dik mi raldohnak a si timi fiang tein a nun in an kan cawn piak. Thlacamnak, Cawnpiaknak, thazaang peknak, hnemhnak in a caan vialte Miphun ralkap lakah adir, Raldohnak an kal lai ah thla a cam piak hna, ral an doh chung vialte an himnak ding ah le ral an teinak ding ah Camp VC in thla a cam, hliamtuar le nunnak pemi an um caan ah Pathian bia in hnemhnak le thazaang thawnnak bia a rawnh than hna, tial cawk le chim cawk ding a si lo. Miphun pastor taktak, Pathian thim mi pastor, upat lo awk a tha lo.
Amah hrimhrim nih a Facebook cahmai ah Bible cacang chirhchan in thazaang peknak a rak ttialmi nih thazaang tampi an la cio, phun 8 in a rak langhter “Pathian umpi kilvennak thawngin le zumtu hna thlacam aunak thawngin kan him, Salm 121. A Kan Hupphengtu { Bawipa }, Kainak Hla. 1. Tlang khi ka hei cuan hna i, khuazei in dah bawmhnak ka hmuh lai? ka ti. 2.Bawmhnak ka hmuh dingmi cu { Bawipa }sinin a ra lai, van le vawlei sertu a simi sin cun a ra lai. 3.A ka hupphengtu cu i ṭhang peng ko seh law, ka tlukter sawh hlah seh.
4. Israel hupphengtu cu a ngu bal lo i aa hngilh bal lo, 5.{ Bawipa } nih an ven ko lai, nangmah huhphenh awkah na pawngin an umhnawh ko. 6.Chun ah ni nih harnak an pe lai lo i zan ah thlapa zong nih harnak an pe ve lai lo. 7.{ Bawipa } nih ṭihnak chungin an huhphenh lai i him tein an chiah lai. 8. Atu in zungzal tiang, na chuahlei siseh, na luhlei siseh, an zohkhenh zungzal lai” tiin a rak langhter.
