Related Articles
Mizaw Harnak A Tong I Bawmh A herhmi Caah: Kan ram ah hriamnam in kah dohnak a um caah mizaw zong sii inn kal khawh loin India ram,Mizoram le Delhi ah ralzam mizaw dirhmun a phan mi kan tam taktak. Kum khat hnu kum khat Delhi a rak panhmi mizaw an tam chin lengmang.Ruahlo piin a kan liam tak mi zong an um.
Ral kan doh tikah ral a dotu zong dam a herh. A chungkhar nu le pa , a unau zong dam a herh. Chungkhar u le nau an dam lo ahcun kan ral dohnak ah thazang a der kho mi a si. Ral doh lio ko ahhin kan ngan dam hi a herh khun. Delhi sii inn ah zohter a duh i harnak a tongmi hna caah Samaritan Chin Mission kan dirh. Hliamtuar a zaw mi poah a lak in ka zoh.Hliamtuar hma a pu i sii inn kalnak a herhmi ning in ka bawmh.Kutke lem aa tuahcia mi remh a herh than i an rat than tikah a herhning in ka bawmh.
An zawt a zual i sii inn kainak a ngei bak lo mi, Keimah clinic ah thlop a ngah mi cu a lakin in ka thlop. Ral lio a si caah sifahnak nih kan hnu lei in a kan dawi mi si i hi bantuk lio ah pakhat le pakhat kan i dawt le zawn kan i ruah a hau khun. Laitlang lei in mizaw zual Delhi ah rat ai tim i pehtlai a ka duh mi cu Mizoram nan phak in ka pehtlai hmasa u. Delhi i Inn nan hlan khawh hlan nan um chungnak CHRO he kan in tawlrel pi hna lai. Sii inn lei a herhmi vialte si khawh chungin kan bawmh hna lai. Keimah pumpak in sii inn ah kal theng a herh lo caan ah holh let zong kan tawlrel pi hna lai.
Cun a bikin Thailand sii inn ah le Rangoon ah a rak i zohter thing mizaw nan si ahcun nan rak i zohternak catlap vialte kha ken philh hlah uh! Kal Kidney le Liver Thin thlen ai timmi Delhi phan cang mi siseh, kawlram in rat ai tim mi zong kan um len. Kawlram in nan rat ahcun a herhmi le India ram mi sinak in thlen nan duh ahcun a herhmi siseh, thil umtuning vialte hi a tam ngai caah hnu ah ka rak tial than te lai. Fiang tein theih a duhmi cu a tang phone no. ah chawnh khawh ka si. +918447317902 +919870250692. Credit: Dr. Pari
