Related Articles
Nuhrin covo phu Fortify Rights nih SAC cu Germany ram ah taza a cuai: 2021 ah hramhram in uknak lak ruang le 2017 i Rohingya miphun cung ah a buar mi miphun ci hlohnak, raltuk lio i sualnak (War Cime) le minung thinlung a ngei lo mi thiltuahnakpawl ruang ah Myanmar ralbawi ngan pawl dantat ding in nuhri covo phu le Myanmar ram minung 16 nih Germany ram ah an phuan.
War Crime pawl he pehtlai in rianngeitu pawl nih atutiang ṭuanvo an la lo tiah Bangkok khua ah January 23 ah Fortify Rights nih an thanh. An phuan hnu ah taza cuai khawh a si le si lo cu Germany ram Federal Sihni zung nih bia an khiah lai. Myanmar ram in aa tel mi minung 16 chung ah siahngakchia, mifim pawl, leithluang pawl, khua upa le tlangcung miphun hna an i tel tiah Fortify Rights nih a thanh.
Ngwetaung rawl dawr rianṭuantu pawl nih an velh ruang ah hriamtlai Tha Din a nunnak a liam: Yangon ramṭhen, South Okkalapa peng, Thantuma lam cung ah a um mi Ngwetaung rawl dawr rianṭuantu pawl nih an velh ruang ah Freelance Attack Force chungtel pakhat a nunnak a liam tiah theih a si.
January 21 chun sml 12:00pm hrawng ah South Okkalapa peng, No.14 sang khuabawi zung cu khuachung kahdohnak a tuahtu phu nih bom an puah i an kirlei ah a pawngkam Ngwetaung eidin dawr rianṭuantu pawl nih Mission a tuah mi hriamtlai pawl an tlaih hna i an velh hna hi a si. Hriamtlai Tha Din hi an tlaih i an velh tuk caah a nunnak tiang a liam hi a si. Cucaah SAC a cohlangtu pawl nih hramhram in an tlaih lawng si lo in a thih tiang an velh caah Ngwetaung rawl dawr cu ralrinnak ca an pek hna.
Ngwetaung rawl dawr i rianṭuantu pawl nih an tlaih/velh ruang ah a nunnak a liam mi hriamtlai Tha Din caah Ngwetaung rawl dawr he aa pehtlai mi poah cu doh nan si lai tiah Freelance Force – FLA nih a thanh. Credit: The Chinland Post
