Related Articles
Kan theih tuk cio mi a si ttheu lai dah, UFC zongah Champion taisawmh a rak i tlaih bal cangmi Ronda Rousey nih cun kaa thongh/vuak lai paoh ahcun a sikhawh chung hin nuva siinak hi ka tuah tawn tiah Interview nak ah a chim.
Ronda Rousey hi vawleicung i thongh lei lentecelhnak (Combat Sport) ahcun min a ngeih taktakmi pakhat a si ve. Anih hi UFC Bantamweight Champion taisawmh zong a rak tingco balmi a si i MMA i record a ngeihmi zong a ttha ngaingai, voi 12 chung aa thonghnak ah 2 lawng hi teinak a hmuh khawh lo a si. Voihnih a sungh hi MMA i aa dinh lai hrawng i Holly Holm le Amanda Nunes sin in a si i cucu voihnih te lawng sungh a ngeih hi a si. Cuticun December 30, 2016 ah khan MMA in a rak dinh kha a si.
Ronda Rousey nih hin professional fighter in aa thongh hlaan ah a ram caah Judo in Summer Olympics 2004 lio tan ah khan a rak chuak ve, cu hnu ah 2008 ah khan voikhat a rak chuak tthan. Laksawng laakmi cu a rak ngei lo nain 2008 i Beijing ah khan cun Bronze medal a rak laak ve. Cucu professional fighter i biatak tein a cawlcangh hlaan thil sining a rak si.
Tthenkhat professional fighter hna hi cu an i thongh hlaan i timhtuahnak an ngeih tthat ning, ei le din tiangin sum herh caan ah an i sum, ei tam a herh caan ah an i hne, cucu vawleicung pro-fighter hna nih an tuah kel te a si cio. Ronda zong hi cubantuk cu a si ve tthiamtthiam ko nain a nih hi cu midang pro-fighter he cun aa dang ngai, ai timhtuahning a tthat lei ah khat lei chim cun chun he zaan he timhtuahnak a ngeih tikhawh a si.
A luancia 2012 lio ah khan Jim Rome’s talk show timi ah Ronda Rousey hi rak sawm a si i cu ah cun professional fighter pa pawl hi an i thongh hlaan ah nuva siinak hi a sikhawh chung in an i suum tiah kan theih cucu zeitindah a si tiin biahalnak an rak tuah. Rousey nih cun an ruah lo ning tuk in cu biahalnak cu a rak leh hna, kaa thongh lai paoh ah hin cun a sikhawh chung in nuva siinak hi tuahkhawh peng kaa zuam a rak ti. Cucu zirtian lei si loin a taksa ca tu deuh ah khan a rak si.
“Nu caah cun kan thisen a ttha/thiang mi kha a thar in a sersiam tikah a sikhawh chungin i thongh lai paoh ahcun nuva siinak hi tuahkhawh peng kaa zuam. A mikip sin ahcun ka va it ve lo, ka darling he peng kan si ko, i thawng dingin thawng an ka thanh ahcun, ka darling sin ah khah thongh caan a nai ziahmah cang hi ka hei ti top i cuticun caan kan hmang ttheu tawn ko” tiah interview nak ahcun a chim.
Cu caah Ronda Rousey nih hin a thongh pimi hna hi fawi tuk in a knockout lengmang hna nak zong hi a si ko lai tiah comment tampi an peek leen. Cun Ronda Rousey hi vawleicung nu lak i thir kual chung i thonghnak i a lutmi lak ah hin mi ralttha, a tthawng bik a si ko lai ti tiang an ti.
