Related Articles
SAC Ralkap Raltuknak Helicopter Nih Thantlang Lei Kap Ah Bomb A Thlak: Chin ramkulh khuapi Hakha ah SAC ralkap Helicopter pakhat a phanh hnu in raltuknak Helicopter nih Thantlang lei kap ah kahdohnak a tuah, tiah theih a si. Nihin January 29 chun sml 12:52 ah Helicopter pakhat Hakha ah a phanh hnu in raltuknak Helicopter pakhat nih Thantlang lei kap ah kahdohnak a tuah.
Hakha a phanmi Helicopter zong Thantlang lei kap ah a kal i, a rak kir ṭhan, tiah tualchung mi pakhat nih a chim. Hakha Rungtlang ah a ṭummi Helicopter cu Thantlang lei kap a kal hnu in a rak kir ṭhan i a zuan pah ah a khu tam tuk a chuak. Chin hriamtlai nih an kah caah a khu a chuakmi a si kho. Hnawh nam tuk in a zuan i Rungtlang lei ah a kal ṭhan, tiah a chim chap.
A Cunglei konghe pehtlai in Salai William Hlawnceu nih cun Helicopter pakhat hi kan ralkap hna nih Drone bomb an thlak hnawh caah an kirmi a si tiin a langhter “Thantlang ah suimilam pa 3 pm tluk ah uico langta pa 2 an rak zuang i pakhat hi raltuknak Mi 35, pakhat hi thil chanhnak Mi 17 hna cu, Kan ralkap hna nih drone in an langta pakhat bomb an thlak hnawh i khu luaimai in hakha Rungtlang UC sakhan leiah a rannak in in an kir tiah kan theih. Mah tlawmpal ah Hakha meithat motor pawl rungtlangah an kai tiah HK lei ummi hna sin in kan theih” ttin a langhter.
A tangcem ah kan ralkap hna nih Drone in bomb an thlakhnawh lio VIDEO zoh khawh a si lai. A vun thlak le cangka a puak colh lo, kan ralkap hna zong ziah hme a puah hnga lo tiah lungrethei phun in an um nain Bawipa puahter hram koh tiah an au mi nih tlawmpal ah phung tiin a puak colh, kan ralkap hna zong an i lawm hringhran. Pathian kan lei ah a ttang tikhawh a si. Kan ralkap hna zong Pathian nih himveng camcin hna seh.
Ayartaw Peng Ah SAC Ralkap Le Pyusawhti Sakhan Pakhat PDF Nih An Lak, SAC Ralkap Le Pyusawhti 20 An Thi: Sagaing ramṭhen, Ayartaw peng Taleba khua um SAC ralkap le pyusawhti sakhan cu PDF ṭangṭi phu hna nih kan va kah i kan lak, tiah PDF ṭangṭi phu nih an langhter. January 27 zinglei sml 9:00 hrawngah Taleba khua um SAC ralkap le pyusawhti sakhan cu, PDF ṭangṭi phu hna nih kan va kah pinah SAC ralkap le pyusawhti 70 leng an umnak phungki sianginn zong 80m, 60 mm in kan kah hna caah SAC ralkap le pyusawhti 20 an thi, tiah PDF ṭangṭi phu nih cun an langhter.
Zaanlei sml 4:50 ah Teleba khua sakhan in pyusawhti pawl cu an zam i PDF nih an va dawi hna. Zaanlei sml 6:15 ah pyusawhti khua zong PDF nih an khanghpiak hna. Zaan sml 8:00 in Taleba lei in SAC ralkap le pyusawhti nih rallam an sial ṭhan i, cu hnuah PDF ṭangṭi phu hna cu khua chungah an lut i an khangh, tiah theih a si.
VIDEO timi ah hin hmet (click) law an puahhnawh lio video cu zohkhawh a si ko lai.
